Ukraynada qrip epidemiyasına görə fövqəladə vəziyyət elan etməyə səbəb yoxdur. sia-nın Ukrayna mətbuatına istinadən verdiyi məlumata görə, bu barədə Ukrayna baş naziri Yuliya Timoşenko, siyasi rəqibi prezident Viktor Yuşenkonun hökumət H1N1 virusu ilə mübarizə aparmağa hazır deyil fikirlərinə cavab olaraq bəyan edib.

Xanım Timoşenko jurnalistlərə bildirib ki, regionda artıq səhiyyə sahəsində karantin kimi fövqəladə ölçülər götürülüb. Ukrayna parlamentində prezidenti nümayəndəsi İlhor Popovun bildirdiyinə görə, əgər hökumət epidemiya ilə mübarizədə uğursuzluğa uğrasa, ölkədə fövqəladə vəziyyət elan olunacaq.

Bu isə 2010-cu ilin yanvarında keçirilməsi planlaşdırılan prezident seçkilərinin tarixini dəyişə bilər və bununla cənab Yuşenkonun səlahiyyət prezidentlik müddəti arta bilər.

Qeyd edək ki, ötən gün ərzində AH1N1 virusundan 9 nəfər ölüb. Onlardan 2 nəfəri Lvov vilayətində, 2 nəfər Kiyev və Kiyev vilayətində, 2 nəfər İvanova- Frankovskiy vilayətində, 1 nəfər isə Xmelniçkiy vilayətində vəfat edib.

Ukaynanın Səhiyyə Nazirliyinin məlumatına görə, Ukraynada ölənlərin sayı 144-ə çatıb. Belə ki, virus yayılan gündən indiyə kimi ölkədə 936 min 804, son günlərdə 65 min 813 nəfərdə bu virus aşkarlanıb. İndiyə kimi Ukraynada 43 min 762 nəfər, son günlərdə isə 4 min 478 insan xəstəxanaya yerləşdirilib.

Faktxeber.com