Rusiya prezidenti Vladimir Putinin Novo-Oqaryovodakı iqamətgahında koronavirus üçün xüsusi qurğu quraşdırılıb. Belə ki, iqamətgaha giriş üçün hər kəs xüsusi tuneldən keçir və burada dezinfeksiya olunur. Xüsusi vasitə haqqında məlumat RİA Novosti-nin Kreml jurnalistləri tərəfindən yayımlanıb.

Bildirilib ki, tunelin hazırlanmasını Penza şirkəti həyata keçirib. Sistem, dezinfeksiyaedici məhlulu bədənin açıq ərazilərinə və keçən hər kəsin paltarına dumana bənzər su damcıları ilə vurulur. 

May ayının sonunda Putin həkimlərlə onlayn söhbət zamanı koronavirusa yoluxmağı və xəstəxanaya getməyi planlaşdırmadığını bildirib. “Allaha şükür, mən sizin xəstəniz deyiləm. Ümid edirəm ki, olmayacam da", - deyən dövlət başçısı, 52 nömrəli xəstəxananın baş həkimi ilə söhbətində söyləyib.

Martın ortalarında prezidentin mətbuat katibi Dmitri Peskov Putinin koronavirusdan qorunması üçün hər şeyin edildiyini əminliklə bildirmişdi. Kreml nümayəndəsinin sözlərinə görə, prezidentin iştirakı ilə tədbirlər hazırlayan bütün işçilər koronavirus testindən keçirlər.