"Çinin paytaxtı Pekində koronavirus infeksiyasının yenidən yayılması, topdansatış bazarında COVID-19-un peyda olması səbəbindən mümkündür", - deyə şəhər rəhbərliyinin mətbuat xidmətinin rəhbəri Xu Hejian bildirib.

"Pekindəki "Sinfadi" bazarında koronavirusun aşkarlanması ilə əlaqədar olaraq epidemiyanın yayılma riski çox yüksəkdir", - deyə RİA Novosti istinadən yazır.

Eyni zamanda, Pekin hökumətinin nümayəndəsi hakimiyyətin bazarda və qonşu ərazilərdə hərtərəfli epidemioloji araşdırma aparmaq, infeksiya mənbəyini müəyyənləşdirmək, həmçinin əhalini testdən keçirmək niyyətində olduğunu açıqlayıb. 

O həmçinin bildirdi ki, iyunun 14-də Pekində 76.499 nəfər üzərində aparılan koronavirus testi nəticəsində 59 nəfərin COVID-19 daşıyıcısı olduğu müəyyənləşdirilib.

Daha əvvəl Pekinin cənubunda, yerli topdansatış bazarında COVID-19 aşkar edildikdən sonra hərbi vəziyyət elan olunmuşdu.

Epidemioloji araşdırma zamanı idxal edilən qızılbalıq üçün kəsici lövhədə koronavirus aşkar edilib.