ABŞ-ın nüvə enerjisi ilə işləyən təyyarədaşıyan "Ronald Reyqan" gəmisi bazar ertəsi Tokionun girişindəki Yokosuka bazasından çıxıb və təlim üçün Yaponiyanın ucqar İvo Jima adasına yola düşüb. "Kyodo" agentliyi xəbər verir ki, təlimlər iyunun 12-də başlayacaq.

Agentlik qeyd edir ki, bundan sonra "Ronald Reyqan" zərbə qrupunun gəmiləri ilə birlikdə Qərbi Sakit okean sularında uzunmüddətli patrul edəcək. Adətən bu cür səfərlərdə təyyarədaşıyan gəmini raket kreyseri, bir və ya iki raket esminesi, həmçinin atom sualtı qayığı müşayiət edir.

Təyyarələrin göyərtəyə enməsi və enişinin həyata keçirildiyi aviasiya təlimlərinə görə Yaponiyada əhali və yerli hakimiyyət nümayəndələri etirazlar edirlər. Buna görə, onlar demək olar ki, ölkənin əsas ərazisini tərk edərək uzaqda yerləşən İvo Jima adasına köçüblər. Ada Tokiodan 1200 km-lik məsafədə yerləşir.