Ukrayna Ədliyyə Nazirliyi Zaporije bölgəsi və Dnepr bölgəsindəki istintaq təcridxanalarında pullu VIP kameralar yaradıb. Bu barədə nazir Denis Malyuska "Facebook"dakı səhifəsində yazıb.

"Zaporojyedəki qiymətlər: bir gün - 570 qrivni (36 AZN), bir həftə - 1990 qrivni (125 AZN), bir ay - 3410 qrivni (215 AZN); Dnepr: gündə - 880 qrivni (55 AZN), bir həftə - 2200 qrivni (138 AZN) və ayda 3060 qrivni (193 AZN)", - deyə nazir qiymətlər barədə yazarkən bildirib.

Malyuska əldə edilən gəlirin korrupsiyanı azaldacağı, pulsuz kameraların təmirinə gedəcəyi vurğulanıb. “Ən yaxşı kamera üçün rüşvət verilməsin, büdcəyə ödəniş edilsin. Məhkəmə istintaq təcridxanasında saxlanma şəraitinin qeyri-kafi olması bir peoblemdir və Avropa İnsan Hüquqları Məhkəməsi buna görə kompensasiya ödəməsini təmin edən qərar çıxarı", - deyə Ədliyyə naziri yazıb.

Onun sözlərinə görə, Ukraynadakı həbsxana islahatı məhkumların saxlanması üçün büdcə xərclərini azaltmağa və vergi ödəyicilərinin boynunda oturmamağa yönəlib.