Rusiyalı mütəxəssislər yeni koronavirus ilə təmassız yoluxmanın iki variantını irəli sürüblər. Bu barədə "İzvestiya" qəzeti yazıb.

Birinci versiyaya görə, Çinə hec vaxt getməyən və heç vaxt xəstələrlə təmasda olmayan koronavirusa gizli yoluxanlar müxtəlif ölkələrdə görünə bilər. Onların fikrincə, patogen Çindən gələn və heç bir koronavirus simptomu olmayan insanlardan keçə bilər.

Bundan əlavə, mütəxəssislər patogenin yayılmasına qarşı əsas tədbir kimi  hava limanlarında müayinəni qeyri-effektiv adlandırıb. Virosuloqlar əmindirlər ki, sözügedən müayinədən sonra xəstələrin yarısından çoxu diqqətdən kənarda qalır, çünki virus qana düşəndən sonra təxminən 2-3 həftə heç cür özünü göstərmir. 

Mütəxəssislər xatırladıblar ki, insanlar koronavirusla 1965-ci ildən tanışdır. Əhalinin 80%-də koronavirusun digər ştamlarına antikorlar mövcuddur. 

İkinci versiyaya görə isə bu müxtəliflik diaqnozda istifadə edilən testlərin COVID-19-a deyil, başqa bir genetik cəhətdən sıx ştamma cavab verdiyinə görə ola bilər. 

Mütəxəssislərin fikrincə, hazırda koronavirusa qarşı edilən tədbirlər qənaətbəxş sayıla bilməz. Onlar ölümcül virusa qaşı daha ciddi şəkildə yanaşmağa çağırıblar. Onların fikrincə, tənəffüs yoluxucu xəstəliklərin praktik yönümlü tədqiqatlarına diqqət cidii şəkildə artırılmalıdır. 

Qeyd edək ki, ötən il dekabrın 31-də Çin hökuməti ÜST-ü Uxan şəhərində naməlum sətəlcəm növünün yayılması ilə əlaqədar xəbərdar edib. Yanvarın 7-də çinli mütəxəssislər xəstəliyi 2019-nCoV koronavirusunun törətdiyini müəyyən ediblər. Yeni sətəlcəm növünün laboratoriya testlərindən sonra qrip, quş qripi, ağır respirator sindromlar və Yaxın Şərq respiroator sindromu (MERS) mümkün patogenlər siyahısından çıxarılıb.