Rusiya və Almaniyanın BMT-dəki daimi nümayəndələri Vasili Nebenzya və Kristof Heusgen BMT Təhlükəsizlik Şurasının iclasında Ukrayna hökumətində və yeni yaradılan qondarma respublikalarda fəaliyyət göstərən xarici vətəndaşların olma ehtimalı ilə bağlı mübahisə ediblər. Mübahisənin təfərrüatları 19 fevral Çərşənbə günü "Kommersant" qəzeti tərəfindən açıqlanıb.

Almaniya nümayəndəsi çıxışı zamanı qondarma Donetsk və Luqansk respublikalarının (DXR və LXR) müstəqil olmadığını və Rusiyanın təsiri altında siyasət yürütdüklərini söyləyib. O, mövqeyinin dəlillərindən biri kimi, fevral ayının əvvəlində İrkutsk vilayətinin keçmiş vitse-qubernatoru Vladimir Paşkovun qondarma DXR-ə baş naziri təyin olunduğunu söyləyib. Heusgen, "Bildiyimə görə, İrkutsk Rusiyada yerləşir", - deyib.

Buna cavab olaraq Nebenzya, xarici vətəndaşların da Ukrayna hökumətində işlədiyini xatırladaraq, ABŞ-da doğulub böyüyən Ulyana Suprun üç il səhiyyə naziri kimi fəaliyyət göstərməsini deyib. Eyni zamanda, Rusiya təmsilçisi Suprun doğma şəhəri Çikaqo ilə Kiyev arasındakı məsafəni İrkutskdan Donetskə qədər olan məsafə ilə müqayisə edib və deyib ki, birincisi daha böyükdür.

BMT Təhlükəsizlik Şurası Donbasdakı vəziyyətin gərginləşməsi fonunda Almaniya, Fransa, Ukrayna və Rusiya liderləri tərəfindən Minsk sazişlərinin imzalanmasının beşinci ildönümü münasibətilə iclas keçirib. Görüş zamanı Nebenzya Ukraynanı Minsk razılaşmasını yerinə yetirməməkdə günahlandırıb. Diplomatın sözlərinə görə, razılaşmanın 13 maddəsindən hazırda yalnız ikisi icra olunur: Minskdəki təmas qrupunun işi və ATƏT-in Xüsusi Monitorinq Missiyası. Öz növbəsində Ukrayna nümayəndəsi Sergey Kislitsa Rusiyanın bölgədəki münaqişənin kəskinləşməsi strategiyasını davam etdirdiyini söyləyib.

Vladimir Paşkov fevralın əvvəlində qondarma DXR-in baş naziri təyin edilib. Rusiya prezidentinin mətbuat katibi Dmitri Peskov təyinatı şərh edərkən bunun "rəsmi nümayəndə" olmadığını vurğulayıb və Rusiyanın Ukraynanın cənub-şərqindəki münaqişəyə qətiliklə qarışmadığını bildirib.