Azərbaycan İslam Partiyasının Qadınlar Şurası "Əyammi Fatimə" günləri ilə əlaqədər tədbir keçirib.

AİP Qadınlar Şurasının sədri Növrəstə İbrahimova Əhli-Beytin müqəddəsliyindən və Quran ayələrində onların varlığına işarə vuran ayələrdən bəhs edib: 

"Allah-Təalanın "Yasin" surəsində birbaşa kimlərə xitab etdiyini hamımız bilirik. Dinimizdə ən əhəmiyyətli məsələrdən biri intizardır. Amma bu fani dünyaya aid bir intizar deyil. Bir ümmətin bütün ibadəti və həyatı gözlədiyinin intizarına köklənibsə, o ümmətin mənəviyyyatının bər-bəzəyi yerə göyə sığmaz. Ona görə də könlümüzü bu intizara kökləyərək şəhadət günlərindən bəhrələnək. Xanım Fatimənin (s.ə) fəzilət və kəramətindən danışmaq üçün bir ömür insane yetməz. Çünki onu Allah özü tərif etmişdir. Hz.Zəhra (s.ə) İmam Əlini (ə) öz yoldaşı kimi deyil, zəmanəsinin İmamı kimi müdafiə etdi və bu yolda canını qurban verdi. Eləcə də qızı Hz.Zeynəb (s.ə) həmin əxlaq və imanla öz zəmanəsinin imamını müdafiə edərək tarixə əbədiyyətə qədər unudulmaz şəhadət, şücaət məktəbinin bayrağını sancdı. 

Hz.İsa (ə) dünyaya göz açan kimi danışdı və dedi: “Anama böhtan deməyin, mən Allahın əmri ilə və mələyin vasitəsi ilə anamın bətninə deşmüşəm və sizə peyğəmbər kimi göndərilmişəm!”

Hz.Zəhra (s.ə) da ilk dəfə anası Xədicənin (s.ə) bətnində anası ilə danışdı və ona təsəlli verdi sonrada dünyaya göz açanda eynən atası Hz.Muhəmməd (s) kimi Allaha həmd səna etdi və Onun böyüklüyünü bildirdi.”

Tədbir daha sonra digər çıxışlar və Xanım Fatiməyə (s.ə) həsr olunmuş şeirlərion xonuşu ilə davam etdirilib.