Xəbər Lenti

İnfoqrafika

Arxiv

Yazar

27 Yanvar

2020
14:40
ƏDV ödəyiciləri yanvarın 31-dək Məlumat Forması təqdim etməlidirlər

"Azərbaycan Respublikasının Vergi Məcəlləsində dəyişiklik edilməsi haqqında" Azərbaycan Respublikasının 2019-cu il 29 noyabr tarixli Qanununa əsasən, ƏDV ödəyiciləri 2020-ci il yanvarın 1-nə yaranan debitor borcları və alınmış avanslar üzrə kreditor borcları barədə Məlumat Forması tərtib etməli və yanvarın 31-dək vergi orqanına təqdim etməlidirlər.

Bu barədə Vergiler Nazirliyinin İqtisadi təhlil və uçota nəzarət Baş İdarəsinin şöbə rəisi Emil Rəhimov yanvarın 27-də keçirdiyi brifinqdə deyib

O bildirib ki, bu formanın təqdim edilməsində məqsəd ƏDV-yə cəlb olunan əməliyyatın vaxtı ilə bağlı Azərbaycan Respublikasının Vergi Məcəlləsinin 166-cı maddəsinə edilmiş dəyişikliklərin nəzərə alınması, aparılan əməliyyatlar üzrə vergilərin düzgün hesablanmasını təmin etməklə yanvarın 1-dən əvvəlki dövrlərdə hesablanmış vergilərin təkrar hesablanmasının qarşısını almaqdır. Formanı həm də yanvarın 1-dək ƏDV ödəyicisi olmuş, bu ilin yanvarından isə qeydiyyatdan çıxmış ödəyicilər də təqdim etməlidir. Yanvarın 1-dən sonra qeydiyyata alınmış ƏDV ödəyiciləri üçün Məlumat Formasının təqdim edilməsi nəzərdə tutulmayıb. Məlumat Forması kağız və ya elektron formada tərtib olunaraq vergi orqanına təqdim edilir. Kağız formasında tərtib edilən Məlumat Forması vergiödəyicisinin uçotda olduğu vergi orqanına təqdim edilir. Vergiödəyiciləri Məlumat Formasını elektron qaydada təqdim etmək üçün İnternet Vergi İdarəsi portalında yeni istifadəyə verilmiş elektron xidmətdən istifadə edə bilərlər. Bu məqsədlə İnternet Vergi İdarəsinin "Onlayn kargüzarlıq və e-VHF" bölməsində yeni ərizə forması istifadəyə verilib. Vergiödəyiciləri vaxtlarına qənaət edərək gücləndirilmiş "ASAN İmza"dan istifadə etməklə Məlumat Formasını elektron qaydada vergi orqanına təqdim edə bilərlər.

“Lakin aparılmış monitorinqlər göstərir ki, vergiödəyiciləri tərəfindən qeyd olunan Məlumat Formasının təqdim edilmə vəziyyəti qənaətbəxş deyil. Həmçinin məlumat formalarının göndərilməsi zamanı tələb olunan qaydalara riayət olunmur. Müvafiq forma təqdim edilmədikdə (və ya heç bir göstərici olmadan təqdim edildikdə) vergiödəyicisinin yanvarın 1-nə təqdim edilmiş mal, iş və xidmətlərlə bağlı debitor borclarının və alınmış avanslar üzrə kreditor borcunun olmadığı hesab olunur. ƏDV-nin məqsədləri üçün vergitutulan əməliyyatın vaxtı ilə bağlı qanunvericilikdə edilmiş dəyişikliklərlə yanaşı, Vergi Məcəlləsinə əlavə edilmiş yeni məzmunlu 76.1-1-ci maddənin tələblərinə əsasən, vergi öhdəliklərinin müəyyən edilməsi məqsədilə ƏDV qeydiyyatında olan vergiödəyicilərinin hesabları üzrə aparılmış əməliyyatlar barədə aylıq məlumatlar banklar tərəfindən elektron qaydada hər ay bitdikdən sonra növbəti ayın 10-dək vergi orqanına təqdim edilməlidir. Bu zaman daxil olan vəsaitin əvvəlki dövrdə aparılmış əməliyyatlara aid olub-olmadığının vergi orqanı tərəfindən müəyyən edilməsində çətinliklər yaşanacağından, qeyd olunan hal vergilərin yenidən (təkrar) hesablanması ilə nəticələnə bilər. Eyni zamanda, qanunvericiliyə edilmiş dəyişikliklər nəzərə alınmaqla ƏDV bəyannaməsinin təsdiq olunmuş yeni formada debitor borcların hərəkəti ilə bağlı ayrıca hissə nəzərdə tutulduğundan debitor borcların yanvarın 1-nə qalığı müəyyən edilərək bəyannamədə əks olunmalıdır. Daxil olacaq vəsaitin yanvarın 1-dən əvvəlki dövrdə aparılmış əməliyyatlara aid olub-olmadığının vergi orqanı tərəfindən müəyyən edilməsində çətinliklər yaşanacağından, vergilərin yenidən (təkrar) hesablanmasının qarşısının alınması, əlavə inzibati yük və maliyyə riskinə məruz qalmamaları üçün vergiödəyiciləri Məlumat Formasını yanvarın 31-dək 2020-ci il təqdim etməlidirlər”, - deyə E.Rəhimov qeyd edib.

Məqalədə : vergi 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

İstirahət günlərinin hava proqnozu

28

Fevral
17:41
ÖLKƏ
329

Iranda daha 4 deputat koronavirusa yoluxub

28

Fevral
16:27
DÜNYA
338

Sabaha olan hava proqnozu açıqlanıb

28

Fevral
16:13
ÖLKƏ
379

Maştağada quş kəsimi sexi bağlanıb

28

Fevral
15:57
ÖLKƏ
363

Kirayə mənzillərə qeydiyyat başladı

28

Fevral
14:30
ÖLKƏ
391
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


29-02-2020 05:16



  (+994 55) 786-96-84

  [email protected]

Valyuta.com

Рейтинг@Mail.ru