Xəbər Lenti

İnfoqrafika

Arxiv

Yazar

14 Yanvar

2020
14:01
AİP sədri Mövsüm Səmədov: Qarabağ müharibəsində Süleymani ordumuza kömək edib

AİP sədri Mövsüm Səmədov İran İnqilab Keşikçiləri Koröusunun "Qüds" briqadasının komandanı Qasim Süleymaninin şəhid edilməsi ilə bağlı başsağlığı müraciəti verib.

Müraciətdə deyilir: 

“Bismillahir-Rəhmanir-Rəhim. İran İslam ölkəsinin qəhrəman oğlu, “Qüds” hərbi briqadasının komandiri, bütün müsəlman dünyasının sevimlisi, əzəmətli və qorxu bilməyən döyüşçü general Qasim Süleymaninin dünyanın ən qəddar, istismarçı və terrorçu dövləti sayılan Amerika tərəfindən terror sui qəsdinə məruz qoyulması müsəlman ümmətini, haqsevər bəşəriyyəti, xüsusən məzlumları dərin kədərləndirmişdir. Onun qəhrəmancasına şəhadətə yetişməsi Allahın ən sevimli bəndəsi olmasını bir daha sübut etdi. Yaxın Şərqdə və bütün İslam dünyasında müsəlmanlara qarşı zülmə və zalıma aman verməməsi, hərbi peşəyə yiyələndiyi hələ gənc yaşlarından başlayaraq həmişə məzlumların yanında və xidmətində hazır olması onu xilaskar sərkərdə kimi tanıtmışdır. Bir sıra müsəlman dövlətlərinin məzlum əhalisi bu ölməz generalın hərbi fəaliyyətindən və misilsiz zəhmətindən ruhlanaraq qəddar və zalım rejimlərə qarşı mübarizələrə qalxmış, Livan, Suriya, İraq kimi dövlətlər öz istiqlaliyyətini əldə edib qoruya bilmişlər. 

Azərbaycanın işğalçı Ermənistanla apardığı Qarabağ müharibəsi zamanı Qasim Süleymaninin ordumuza əvəzsiz köməklikləri heç zaman yaddan çıxmamalıdır. Amma təəssüflər olsun ki, o zaman ölkəmizdə hakimiyyət uğrunda gedən mübarizə bu köməkliyi qiymətləndirməyə və davam etdirilməyə imkan vermədi, öz içimizdən maneçiliklər törədildi. Göründüyü kimi, şəhid Süleymani təkcə İran dövlətinin hərbi qüdrətinin yüksəlişi naminə deyil, bütün müsəlman dövlətlərinin istismarçılara, qəsbkarlara qarşı müqavimət hərəkatının stimulverici siması kimi əzəmətli bir hərbi sərkərdə, əvəzsiz şəxsiyyət idi. Regionda maraqlarını həyata keçirməyə çalışan işğalçı rejimlər general Süleymanini qarşılarında ən böyük və tədbirli maneə kimi görürdülər. Onun terror nəticəsində faciəli şəkildə şəhid edilməsinin də əsas səbəbi məhz düşmənin qarşısında dura bilməsi, mübarizənin önündə getməsi idi. Şəhid Qasim Süleymaninin hərb tarixində rolu və mövqeyi nə dostları, onu sevənlər, nə də düşmənləri-dünyanın qəsbksar və təcavüzkarları unudarlar. O, fəaliyyəti dövründə yadların, dünya hegemon güclərinin Yaxın və Orta Şərq xalqları üzərində dominantlıq etməsinə imkan vermədi. Və həm də Azərbaycanı sevən, xalqımızın dostu sayılan şəhid Süleymani xalqımız tərəfindən heç zaman unudulmayacaq. O, İslam hədəflərinin həyata keçməsi uğrunda hər cür şəhadətə həmişə hazır idi. Bu müqəddəs yol hər bir müsəlman tərəfindən davam etdirilməli, şəhidin qisası düşməndən alınmalıdır. Biz bu yolda güclərimizi birləşdirməli, İslamın hədəflərinin həyata keçməsinə nail olmalıyıq. O zaman bütün şəhidlərimizin, o cümlədən Azərbaycan şəhidlərinin ruhu sevinəcək. 

Allah-təala şəhid Qasim Süleymaninin ruhunu şad etsin. Başda böyük Rəhbərimiz olmaqla qəlbində İlahi eşqi yaşadan və daşıyan bütün insanlara başsağlığı ərz edirəm.”/İslaminSesi

Məqalədə : Mövsüm Səmədov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Müəllimlərin işə qəbulunda yenilik - VİDEO

21

Yanvar
18:05
ELM / TƏHSİL
2243

Məktəblərdə qış tətilinin vaxtı açıqlanıb

21

Yanvar
17:43
ELM / TƏHSİL
2153

Kriminal avtoritet “Osman Gəncinski” saxlanılıb

21

Yanvar
17:30
HÜQUQ,HADİSƏ
351

Ramiz Zeynalov Vilayət Eyvazova hesabat verdi

21

Yanvar
16:15
HÜQUQ,HADİSƏ
332

Şagirdlərin yerdəyişməsi dayandırlır

21

Yanvar
15:10
ELM / TƏHSİL
2670

Sumqayıtda cibgirlər saxlanılıb

21

Yanvar
15:02
HÜQUQ,HADİSƏ
284
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-01-2020 08:32



  (+994 55) 786-96-84

  [email protected]

Valyuta.com

Рейтинг@Mail.ru