Aktyor dənizdə daşın altında ilişib qalıb və sərbəst şəkildə çıxa bilməyib. Rejissor Stenli Tonq hətta qorxudan ağlayıb.

Çinli aktyot Ceki Çan 2020-ci ildə ekrana çıxacaq "Avanqard" döyüş filminin çəkilişləri zamanı az qala boğurlaraq öləcəkmiş. Aktyor və rejissor etiraf edirlər ki, bərk qorxublar, amma buna baxmayaraq təmkinli davranaraq təlaşa düşməyiblər. 

"Biz dənizdə atışma səhnəsi çəkirdik. Başa düşdüm ki, daşın altında ilişmişəm və çıxa bilmirəm. Həmkarlarım suya atılaraq köməyə gəliblər. Hansısa anda bərk qorxu hissi gəldi və əsməyə başladım. Çox asan şəkildə ölə bilərdim. Sudan çıxanda baxdım ki, rejissor Stenli Tonq hətta ağlayıb da", "The Straits Times" aktyordan sitat gətirib.

Yekunda aktyor rejissoru sakitləşdirib və bildirib ki, hər şey qaydasındadır. Çan qorxusu getdikdən sonra yenidən çəkilişlərə başlayıb.