Qərb xüsusi xidmət orqanları Alp dağlarının Fransaya aid hissəsində da kiçik şəhərlərin birindən "arxa dayaq" kimi istifadə edən ən az 15 nəfər Rusiya casusunun siyahısını tərtib ediblər. Bu barədə "Le Monde" xəbər verir.

Bunun 2014-2018-ci illərdə baş verdiyi qeyd olunur. Bu "rus casusları" Fransa, İngiltərə, İsveçrə xüsusi xidmət orqanları və Amerikadakı tərəfdaşları tərəfindən aşkar edilib. 15 nəfərin hamısı Baş Kəşfiyyat İdarəsinin (QRU) daha əvvəl cinayət hadisələrində ixtisaslaşmış hissənin üzvləridir. Onların arasında 2018-ci ildə Londonda keçmiş QRU polkovniki Sergey Skripal və qızı Culiayaya qarşı zəhərləmə əməliyyatında iştirak etmiş Ruslan Başirov, Alexander Petrov, Sergey Fedotov, Sergey Pavlov da var.

Aşkarlanmış digər casuslar arasında Aleksandr Kulagin, Evgeni Larin, Tumur Nurizov, Namaz Yusupov, Gennadi Şvets, Monteneqroda çevrilişdə iştirak edən Vladimir Popov və Eduard Şirokov, bolqar iş adamı Yemekyan Gebreva, Nikolay Konixin, İvan Lebedev, Danil Stepanov və Georgi Qorşkov var.

Daha əvvəl Almaniyanın ölkədən qovmağı planlaşdırdığı və "arzuolunmaz şəxs" elan etdiyi iki Rusiya diplomatının da Rusiya xarici kəşfiyyatının agentləri olduğu bildirilir. Bu, Berlində keçmiş bir çeçen komandirinin qətli ilə əlaqədar baş verib. Alman hakimiyyəti hesab edir ki, Rusiyanın və ya Çeçenistan Respublikasının dövlət orqanlarının qətldə iştirakına dair kifayət qədər faktiki sübutlar var. Kreml iddiaları rədd edib.