Xəbər Lenti

İnfoqrafika

Arxiv

Yazar

05 Dekabr

2019
09:26
İmam Həsən Əsgərinin (ə) mövlud günüdür

İmam Hadi (ə) buyurur: «Məndən sonra imam, doğrudan da, mənim övladım Həsən (ə), ondan sonra isə onun övladı Qaimdir. Qaim yer üzünü zülm bürüdükdən sonra onu ədalətlə doldurasıdır».

Ləqəbləri: Əsgəri, Zəkiyy, Xalis, Sirac, Müşəffi, Hadi, Səxiyy, Samit, Mövla, Rəfiq, Müzi, Mürzi, Müstəvdi.

Künyəsi: Əbu Muhəmməd.

Atası: İmam Hadi (əleyhissalam).

Anası: Hədisə (Süsən, Hərbiyyə). O ilahi ariflərdəndi.

Doğulduğu gün: 8 Rəbiüs-sani.

Doğulduğu yer: Mədineyi-Münəvvərə.

Doğulduğu il: 232-ci hicri ili.

Şəhid olduğu gün: 8 Rəbiül-əvvəl, cümə günü.

Şəhid olduğu il: 260-cı hicri ili.

Ömrü: 28 il.

Şəhadət səbəbi: Əbbasi xəlifələrindən olan Mötəmid onu zəhərləmişdir.

Dəfn olunduğu yer: Samirra.

Övladlarının sayı: O Həzrətin yeganə övladı Həzrət Məhdidir (əleyhissalam)

Bu gün, hicri qəməri tarixi ilə Rəbiyüs-sani ayının 8-də (bu il 5 dekabr) müsəlmanların 11-ci imamı Həsən Əsgərinin (ə) mövlud günüdür.

İmam Həsən Əsgərinin (ə) atası, imam Əliyyən Nəqi (ə) şəhadətə yetişəndən sonra, hicrətin 254-cü ilindən etibarən onun imamlıq dövrü başlayıb və 6 il davam edib.

İmam Həsən Əsgəri (ə) hicrətin 260-cı ili Rəbiyül-əvvəl ayının 8-də 28 yaşında Abbasilərin 14-cü xəlifəsi Mötəməd tərəfindən zəhərlənərək şəhid edilib.

O Həzrət iyirmi iki yaşında ikən atası  şəhadətə yetişmişdi. İmamlıq dövrü altı olmuş, ümumilikdə isə iyirmi səkkiz il yaşamışdır. Hicrətin iki yüz altımışıncı ilində şəhid olmuş və Samirra şəhərində öz evindəcə, atasının qəbrinin yanında dəfn olunmuşdur. Mübarək məzarı İraqın Samirra şəhərindədir.

İmam Həsən Əsgəri (ə) İmam olduğu qısa müddət ərzində bir-birindən zalım olan üç Abbasi xəlifəsinin müasiri olmuşdur. Bu üç xəlifə aşağıdakılar olmuşlar:

1) Əl-Mötəzz Billah (252–255 h.q)

2) Əl-Mühtədi Billah (255–256 h.q)

3) Əl-Mötəmid (256–279 h.q).

İmam Həsən Əsgəri (ə) Abbasi xəlifəsinin əmrilə məcburi şəkildə Samirrada Əskər adlı bir yerdə saxlanıldığı üçün Əskəri adlandırılmışdı. O həzrətin əsas fəaliyyəti xalqın qeyb dövrünə hazırlanması olmuşdur. İmam Mehdinin (ə) dünyaya gəlişinin yaxınlaşması, qeyb dövrünün xüsusiyyətləri haqqında xalqa agahlıq verilməsi, şiələrlə birbaşa əlaqələrin məhdudlaşdırılması imam Həsən Əsgərinin əsas fəaliyyətlərindən olmuşdur.

İmam çətinliklə də olsa,İslam maarifini yaymaqda və düşmənlərin iradlarını rədd etməkdə böyük rolu olmuş  şagirdlər yetişdirmişdi. Şeyx Tusi o Həzrətin şagirdlərinin sayının yüzdən çox olduğunu qeyd etmişdir.

Tarixi qaynaqlara əsasən, İmam Həsən Əsgəri (ə) şiələr arasında tanınmış şəxsləri seçib müxtəlif yerlərə nümayəndə göndərmiş, onlarla əlaqə saxlayaraq bütün şiələrə nəzarət edə bilmişdir.İmamın fəliyyətlərindən biri də şiələri, xüsusən də, yaxın dostlarını maddi cəhətdən təmin etmək olub. Şiələrdən bir neçəsinin İmamın hüzuruna gedib yoxsulluqdan şikayətlənməsinin, İmamın da onların maddi ehtiyacını ödəməsi hətta bəzən  özləri şikayətlənmədən  İmam özü onların maddi ehtiyacını aradan qaldıraraq şiələrin maddi çətinlik ucbatından xəlifəyə tərəf cəlb olunmasının qarşısını alırdı.

İmam Həsən Əsgərinin cəmiyyət arasındakı nüfuz və hörmətinin günbəgün artmasından nigaran olan Abbasi xəlifəsi Mötəmid camaatın o Həzrətə olan diqqətinin artdığını, zindanın, təzyiq və işkəncələrin mənfi nəticə verməsini gördükdə, öz köhnə  üsullarına əl atıb İmamı gizlincəsinə zəhərləyir.

İmamdan hədislər:

1."Adamın belini qıran fəlakət odur ki, yaxşı iş görəndə gizlədən, pis hərəkət görəndə car şəkib yayan qonşusu olsun”.

2.“İnsanların ən pərhizkarı (təqvalısı) odur ki, şübhə anında durmağı bacarsın (yəni şübhəli işlərdən uzaq dursun). İnsanların ən ibadətkarı fəraizi (vacib ibadətləri) yerinə yetirən şəxsdir (yəni vacibata tam əməl etməyincə müstəhəbbata keçməyəndir). İnsanların ən zahidi haramlardan kənar duran adamdır. İnsanların ən çalışqanı isə günahları tərk edəndir”.

3.“Yaxşıların yaxşıları sevməsi yaxşılar üçün savabdır. Pislərin yaxşıları sevməsi yaxşılar üçün üstünlükdür. Pislərin yaxşılara ədavəti yaxşılar üçün bəzəkdir. Yaxşıların pislərə ədavəti pislər üçün rüsvayçılıqdır”.

4.“Hər bir izzətli adam haqqa arxa çevirsə, zəlil olar. Hər bir zəlil adam haqqa üz çevirsə, izzət qazanar”.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti cüzi bahalaşıb

10

Aprel
11:16
İQTİSADİYYAT
525

DYP sürücülərə müraciət edib

10

Aprel
10:40
NƏQLİYYAT
561

Son sutkada nə qədər adam yoluxub?

09

Aprel
16:40
ÖLKƏ
597

Tank bölmələri döyüş atışları icra edib - VİDEO

09

Aprel
16:07
BÖLMƏNİ DÜZ SEÇ!
532

Ramazan ayı ilə bağlı fətva verildi

09

Aprel
15:23
ÖLKƏ
673

Belarusda neft tapılıb

09

Aprel
14:31
DÜNYA
535

Sabaha olan hava proqnozu açıqlandı

09

Aprel
14:11
ÖLKƏ
676
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-04-2021 18:50





  [email protected]

Valyuta.com

Рейтинг@Mail.ru