Xəbər Lenti

İnfoqrafika

Arxiv

Yazar

29 Oktyabr

2019
16:49
Dağlıq Qarabağın azərbaycanlı icması Lill Universitetinə etiraz edib

Dağlıq Qarabağdakı qondarma rejimin yaratdığı “Azad Vətən” adlı “partiya”nın təşkilatçılığı ilə Fransanın Lill Universitetinin bir qrup professor və müəllimi Ermənistanın işğalı altında olan Azərbaycan ərazilərinə qanunsuz səfər edib. Ermənistan mediasının verdiyi məlumata görə, nümayəndə heyətinin tərkibində müxtəlif sahələr üzrə elm adamları yer alıb. Qanunsuz səfər zamanı Lill Universitetinin əməkdaşları “Şuşa Texnologiya Universiteti”ndə olub və gələcək “əlaqələr”ə dair fikirlər səsləndiriblər.

Dağlıq Qarabağ bölgəsinin azərbaycanlı icmasından Faktxeber.com-a daxil olan məlumatda bildirilir ki, qədim ənənələri olan Lill Universitetinin bir qrup professor və müəlliminin Azərbaycanın işğal olunmuş ərazilərinə qanunsuz səfər etməsini ciddi məsuliyyətsizlik və beynəlxalq hüquqa hörmətsizlik kimi qəbul edir. Həmçinin bu “səfər” dünyada elektronika və nanotexnologiyalar sahəsində elmi kəşflərə imza atan bir universitetin nüfuzuna ciddi şəkildə xələl gətirir. Necə ola bilər ki, belə bir universitetin professor-müəllim heyəti hansı ərazilərə gətirildiklərindən xəbərsiz olsun? Görəsən, bir dəfə də olsun bu insanlar internetdə Dağlıq Qarabağın tarixi, Ermənistanın bu əraziləri necə işğal etməsi haqqında məlumat toplamağa çalışıblarmı? Ən əsası, Lill Universitetinin müəllim və professorlarının Fransanın Azərbaycanın ərazi bütövlüyü ilə bağlı mövqeyindən və Dağlıq Qarabağın Azərbaycanın ayrılmaz hissəsi olduğundan xəbərləri varmı? Əgər yoxdursa, bu, elm adamları üçün həqiqətən utanc gətirən məsələdir. Yox, əgər Lill Universitetinin professorları Fransanın mövqeyini bilə-bilə Dağlıq Qarabağa qanunsuz səfər edirlərsə, deməli, bu, həm də Fransanın rəsmi mövqeyinə hörmətsizlik kimi qəbul olunmalıdır.

Digər tərəfdən, Fransa ATƏT-in Minsk qrupunda həmsədr ölkə kimi Ermənistan ilə Azərbaycan arasında vasitəçilik missiyası həyata keçirir. Belə olan halda Lill Universitetinin müəllim və professorlarının Dağlıq Qarabağa qanunsuz səfər etmələri həm də bu ölkənin danışıqlarda tərəfsiz vasitəçi nüfuzunu şübhə altında qoyur.

Biz, Dağlıq Qarabağ bölgəsinin azərbaycanlı icması Fransanın Lill Universitetinin rəhbərliyinə də öz etirazımızı bildiririk. Hesab edirik ki, sözügedən universitetin rəhbərliyi Azərbaycanın Dağlıq Qarabağ bölgəsindən qovulmuş azərbaycanlı sakinlərin təbii insan hüquqlarına təhqir hesab edilən bu qanunsuz səfərlə bağlı ciddi tədbirlər görəcək və bu kimi halların təkrarlanmasına yol verməyəcək.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
61846

Növbəti buraxılış imtahanları başlayıb

25

İyun
10:59
ELM / TƏHSİL
59575

AMB-nin valyuta məzənnələri

23

İyun
10:11
İQTİSADİYYAT
61225

Nefti qiyməti bahalaşmağa başlayıb

23

İyun
09:30
İQTİSADİYYAT
60920

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
66386

QMİ yaslarla bağlı xəbərdarlıq etdi

19

İyun
18:10
ÖLKƏ
60672

İyunun 22-də dolların manata qarşı məzənnəsi

19

İyun
17:55
İQTİSADİYYAT
60887
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-01-2021 06:33





  [email protected]

Valyuta.com

Рейтинг@Mail.ru