"Prezidentin xalqın rifahı naminə verdiyi qərarlar bir çox işdən çıxarılan məmurların,işdən çıxarılmağa qorxan məmurların xoşuna gəlmir."

FaktXəbər-in məlumatına görə, bu sözləri Dilarə Əliyeva adına Azərbaycan Qadın Hüquqlarını Müdafiə Cəmiyyətinin sədri Novella Cəfəroğlu "Bizim Yol"a müsahibəsində deyib.

O qeyd edib ki, məhz buna görə onların çoxu qəsdən hərcimərcilik yaradırlar: "Hökumətdə quyruğu basılanlar Azərbaycanda müstəqillik və sabitlik olmasını istəmirlər. Azərbaycanda Milli Demokratiya İnstitutu var idi. Onu məhv etdilər ki, guya çevriliş edəcəklər. Onların çevriliş edəcək gücləri yox idi. Hakimiyyət xəyanət edənləri, inqilab edənləri öz aralarında axtarsın. Kimin çox pulu varsa inqilabı da, çevrilişi də onlar edəcək. Nə müxalifətin, nə QHT-lərin inqilab edəcək qədər çox pulu yoxdur. Nəyisə ləğv edəndə yerini nəsə tutmalıdır. Azərbaycan öz maliyyələşdirdiyi Milli Demokratiya İnstitutu yaratmalıdır. ABŞ-ın Milli Demokraiya İnstutunu hökumət maliyyələşdirir."