Tramp ləğv etdiyi nüvə sazişinə qayıtmaq üçün Obamanın yolu ilə getmək istəyir.

FaktXeber.com-un verdiyi məlumata görə, ABŞ-ın sabiq prezidenti Barak Obamanın  təhlükəsizlik məsələləri üzrə müşaviri Ben Rodes öz tvitində buna işarə edib. O, həmçinin Trampı yaxşı biznesmen kimi xarakterizə edib.

"Obama İranın nüvə proqramını zəiflətmək üçün sanksiyaları yüngülləşdirdi. İndi də Tramp toparlanmaq və ləğv etdiyi sazişə qayıtmaq üçün sanksiyaları azaltmaq istəyir. Dahiyanə sövdələşmədir", deyə o, bəyan edib.

Obama eased sanctions to rollback Iran’s nuclear program. Trump now wants to ease sanctions to get a meeting to try and get back into the type of deal he scrapped. Brilliant dealmaking. https://t.co/ZqqojHSi4M

— Ben Rhodes (@brhodes) 11 Eylül 2019

Xatırladaq ki, bazar ertəsi günü Oval kabinetdə Tramp və baş məsləhətçilər BMT Baş Assambleyasında İran prezidenti Həsən Ruhani ilə razılığa gəlmək üçün rəsmi Tehrana qarşı sanksiyaların azaldılmasını müzakirə ediblər. ABŞ Maliyyə naziri Stiven Mnuçin buna dəstəyini ifadə etsə də, Milli Təhlükəsizlik üzrə keçmiş köməkçi Con Bolton qəti şəkildə buna qarşı çıxdı.

Tramp ertəsi gün Boltonun istefasını qəbul etdi. Mnuçin isə dövlət katibi Mayk Pompeo ilə birgə keçirdiyi brifinqdə Trampın İran prezidenti Həsən Ruhani ilə ön şərt olmadan görüşməyə hazır olduğunu bildirdi.