Robot Fedor öz twitter-də Türkiyə Prezidenti Tayyib Ərdoğanı "radio mübadiləsinin naməlum iştirakçısı" adlandırıb. FaktXeber.com-un məlumatına görə, bu barədə onun Tvitter yazısından məlum olur:

"Dünən @KremlinRussia və radio mübadiləsinin başqa bir naməlum iştirakçısı ilə söhbətdən sonra operatorum Alexander Skvortsov şluzdan üç dəfə gəmimin içinə baxdı və sağ əlin birləşməsindən bu kombinasiyanı göstərdi. Bu gün ekzoskelet testləri başladı".

После вчерашнего общения с @KremlinRussia и ещё одним не идентифицированным участником радиообмена мой оператор Александр Скворцов три раза заглядывал через шлюз агрегатного отсека ко мне в корабль и показывал эту комбинацию кисти правой руки. Сегодня начали испытания экзоскелета pic.twitter.com/nalFMRVYvb

— FEDOR (@FEDOR37516789) August 28, 2019

Avqustun 27-də  MAKS 2019 sərgisində  Roskosmos Şirkətlər Qrupunun pavilyonunda Putin Ərdoğanla birlikdə telekonferans vasitəsi ilə Beynəlxalq Kosmik Stansiyanın kosmonavtları Alexander Skvortsov və Aleksey Ovçininlə əlaqə saxlamışdılar.

Çərşənbə axşamı günü Soyuz MS-14, ilk rus insanabənzər robot Fedor ilə birlikdə Beynəlxalq Kosmik Stansiyaya avtomatik olaraq uğurla enib.

Avqustun 27-də göyərtəsində Rusiyanın ilk insanabənzər robotu olan "Fedor"u daşıyan "Soyuz MS-14" kosmik gəmisi Beynəlxalq Kosmik Stansiyaya (BKS) uğurla birləşə bilib. Bu kosmik gəminin BKS-ə ikinci birləşmək cəhdi olub.

"Birləşmə baş tutdu", - Rusiyanın Uçuşlara Nəzarət Mərkəzinin diktoru deyib.

Docking confirmed! While flying about 250 miles above Eastern Mongolia, an uncrewed Soyuz MS-14 spacecraft successfully arrived and docked to the @Space_Station at 11:08pm ET. Get more details: https://t.co/FRrjhIw77o pic.twitter.com/Mny4KFHUY4

— NASA (@NASA) August 27, 2019

Avqustun 24-də edilən ilk cəhd, BKS-in rus seqmentinin axtarış modulundakı kurs dok sisteminin avadanlıqlarında baş vermiş nasazlıq üzündən uğursuz olmuşdu. Fedor da Beynəlxalq Kosmik Stansiyaya gedən yolda ləngidiyinə görə üzr istəyib. Bu barədə onun "Twitter" səhifəsində yazı paylaşılıb.

"Gecikməyə görə üzr istəyirəm. Tıxacda ilişmişdim. İşimi davam etdirməyə hazıram", - deyə robot zarafatından qalmayıb.

Прошу прощения за задержку. Застрял в пробке. Готов к продолжению работы. pic.twitter.com/iR277q5Mxo

— FEDOR (@FEDOR37516789) August 27, 2019

"Soyuz MS-14" gəmisi avqustun 22-də Bakı vaxtı ilə saat 7:38-də (Moskva vaxtı ilə saat 6:38-də) Qazaxıstanda yerləşən Baykonur kosmodromundan kosmosa buraxılıb. Kosmik gəmi göyərtəsində "Fyodor" robotunu daşıyır. Raketin səmaya qalxması anında "Fyodor" ilk kosmonavt Yuri Qaqarin kimi "Getdik! Getdik!" sözlərini deyib.

Kosmik gəmi buraxıldıqdan iki sutka sonra, yəni avqustun 24-də Bakı vaxtı ilə saat 9:30-da (Moskva vaxtı ilə saat 8:30-da) Beynəlxalq Kosmik Stansiya ilə birləşməli idi, lakin müəyyən problemlər səbəbindən bunu təyin olunmuş vaxtda etmək mümkün olmayıb.

Rusiya Federal Kosmik Agentliyinin (Roskosmos) baş direktoru Dmitri Roqozin RİA Novosti-yə bildirib ki, kosmik gəminin BKS ilə birləşməsindən sonra kosmonavtlar "Fyodor" robotunu gəmidən stansiyaya köçürməyə başlayıblar.

Bir müddət öncə xəbər verilib ki, robot Beynəlxalq Kosmik Stansiyada bir sıra tapşırıqları həyata keçirəcək.

Qeyd edək ki, "Fyodor" (FEDOR - Final Experimental Demonstration Object Research) "Android Texnikası" və Perspektiv Araşdırmalar Fondu tərəfindən yaradılıb. Onun yaradılmasına 300 milyon rubl (təxminən 7,8 milyon manat) xərclənib.