Türkiyənin Trabzon vilayətinin Sürmənə rayonunda arıçılıqla məşğul olan İbrahim Sədəf adlı fermer ərazisinə dadanan ayını bal yeşiklərindən uzaqlaşdırmaq üçün maraqlı üsula əl atıb. 

FaktXəbər-in "Doğan" agentliyinə istinadən məlumatına görə, pətəkləri qorumaq üçün açıq əraziyə bal, çörək və meyvə qoyan fermer arı yeşiklərini də dəmir konteynerlərin üstünə və qəfəslərə yerləşdirib.

Fermer balların keyfiyyətini yoxlamaq üçün isə başqa bir yola baş vurub. O, əlində olan bal nümunələrini və bir vişnə mürəbbəsini açıq ərazidə stol üzərinə qoyub və baş verənləri kamera ilə qeydə alıb. Ayı ilk öncə kilsonu 1000 lirə (300 AZN) olan dünyaca məşhur Anzer balını yeyib və mürəbbəyə toxunmayıb. İbrahim Sədəf daha sonra balların yerini dəyişib. Ayı bu dəfə də Anzer balını yeyib.