1993-cü ildə Banya Luke şəhərində Vrabanya məscidinin uçurdulmasından sonra Quranın surətini tapan serb 27 ildən sonra müqəddəs Kitabı həmin məscidə qaytarıb. FaktXeber.com-un GlasSrpske-ə istinadla verdiyi məlumata görə, adının çəkilməsini istəməyən şəxs Müqəddəs Kitabı məscidə çatdırılması üçün Seribiya Milli Yığıncağının  sabiq deputatı Admir Kavkaya verib.

«Ümumi dostum vasitəsi ilə mənimlə bir nəfər əlaqə saxladı. O, Vrabanye məscidində təsadüfən tapdığı Quranı saxladığını dedi… Bosnyia və Hersoqovinanın Banya Luka şəhərinin Vrbanye məscidindən olan bu Quran ötən müharibədə dağıdılan ibadət ocağının  yeganə yazılı izidir və yaxın günlərdə məscidə qaytarılacaq», - deyə bəyan edib.

Bu Quran müharibədə dağıdılan məscidin yeganə yazılı şahididir"

O, vurğulayıb ki, bir müddət əvvəl Foçedə Alay məscidinin açılışı zamanı qadın uzun illər saxladığı Quranı məscidə təhvil verib: «Yəqin bu şəxs də həmin qadının hərəkətindən sonra analoji addımı atmaq qərarına gəlib…» 

Onun sözlərinə görə, bu kitab bayramda aldıqları ən gözəl hədiyədir: «Hər zalım dövrdə başqa cür düşünən insan olur. Bu kitabın qaytarılması mənim üçün böyük şərəfdir». 

«Biz bir-birimizə hörmətlə yanaşmalıyıq və bu istiqamətdə yolumuza davam etməliyik. Bu həm Vrbanye məscidi, həm də Banya Luka şəhərinin sakinləri üçün önəmlidir», - deyə Kavka sözlərini yekunlaşdırıb.