Xəbər Lenti

İnfoqrafika

Arxiv

Yazar

19 Avqust

2019
14:56
1380
YPX əməkdaşı kobud qayda pozuntusuna yol verib - VİDEO

Dövlət Yol Polisinin (DYP) Yol Patrul Xidməti (YPX) avtomobilninin yol hərəkəti qaydalarını kobud şəkildə pozması kameralara düşüb.

Videoda YPX avtomobilinin yolun sağ zolağı boş olduğu halda, sol zolağı ilə asta sürətlə hərəkət etdiyi müşahidə olunur.

Yol hərəkəti qaydalarını pozan YPX əməkdaşı arxadan gələn avtomobillərə sağdan ötüb keçmələri üçün əli ilə işarə də verir.

Yol hərəkəti üzrə ekspert Ərşad Hüseynov açıqlamasında deyib ki, YPX əməkdaşı bu hərəkəti ilə həm yol hərəkəti qaydalarını, həm də "Yol-patrul xidməti" haqqında Təlimatın tələblərini pozur: "Təlimatın tələbinə görə, yol patrul xidməti bütün hərəkət iştirakçıları üçün təhlükəsiz şəraitdə aparılmalıdır. Yəni YPX təhlükəsizliyi təmin etməlidir, nəinki təhlükə yaratmalıdır. Təlimatda qeyd edilir ki, YPX əməkdaşı gecə və gündüz olmasından asılı olmayaraq, nəqliyyat vasitələri axınında hərəkət edərkən yol hərəkəti qayda pozuntularının qarşısının alınması məqsədilə qırmızı və ya göy sayrışan işıq siqnalından istifadə etməlidir".

Ə.Hüseynov əlavə edir ki, YPX avtomobili "Yol Hərəkəti haqqında" Qanunun 49-cu maddəsinin tələblərini də pozub: "Bu maddəyə görə, sağ zolaq boş olduğu halda, avtomobil sol zolaqla hərəkət etməsi qadağandır. Əgər bu hal, hansısa zərurətdən irəli gəlirsə, o halda, YPX avtomobili işıq və səs siqnallarından istifadə etməlidir".

Ekspert bildirib ki, qanunazidd əməlinə görə, YPX əməkdaşına həm adi sürücü inzibati qaydada cərimə yazıla, həm də "Yol-patrul xidməti" haqqında Təlimatın tələblərini pozduğuna görə intizam məsuliyyətinə cəlb oluna bilər.

"Report" məsələ ilə bağlı Baş Dövlət Yol Polisi İdarəsinin (BDYPİ) şöbə rəisi, polis polkovnik-leytenantı Rüfət Quliyev və BDYPİ-nin Yol-Patrul Xidməti şöbəsinin rəisi Kamran Əliyevdən münasibət öyrənmək istəsə də, R.Quliyevin telefonu sönülü olub, K.Əliyev isə zənglərə cavab verməyib.

Məqalədə : DYP 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Bağdadinin yeni səs yazısı yayıldı

17

Sentyabr
11:43
DÜNYA
46

DİN: Ötən gün 3 yol qəzası olub, 3 nəfər ölüb

17

Sentyabr
10:23
HÜQUQ,HADİSƏ
123

Körpüdə dayanmağın faciəvi sonluğu - VİDEO

17

Sentyabr
10:18
HÜQUQ,HADİSƏ
142

Çempionlar Liqası başlayır

17

Sentyabr
10:00
İDMAN
152

Avtomonil qəzası 500 abonenti qasız qoyub

17

Sentyabr
09:41
HÜQUQ,HADİSƏ
133

Azərbaycan nefti kəskin bahalaşdı

17

Sentyabr
09:34
İQTİSADİYYAT
157
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-09-2019 12:30



  (+994 55) 786-96-84

  [email protected]

Valyuta.com

Рейтинг@Mail.ru