Rusiyanın Krasnoyarsk vilayətinin Açinski rayonundakı silah-sursat anbarında baş verən yanğının ilkin səbəbi insan amili olub. 

FaktXəbər-in RİA-Novostiyə istinadən məlumatına görə, bunu Rusiya Müdafiə Nazirliyi rəhbərinin müavini Dmitri Bulqakov deyib.

Hərbçilər bildiriblər ki, "müstəntiqlər daha dəqiq deyəcəklər." 

Bundan əvvəl Bulqakov, anbarda partlayışların dayandığını söyləyib.

Xatırladaq ki, avqustun 5-də Krasnoyarsk ərazisindəki hərbi anbarda yanğın baş verib, ardından partlayışlar olub.

Rusiya Müdafiə naziri Sergey Şoyqu Dmitri Bulqakovu təcili hadisə yerinə göndərib.

Son məlumatlara görə, hadisə nəticəsində 12 nəfər yaralanıb, 1 nəfər itkin düşüb.