Argentina komandasının kapitanı forvard Lionel Messi Amerika Kubokunda mükafatlandırma mərasiminə çıxmaqdan və bürünc medal almaqdan imtina edib. FaktXeber.com-un məlumatına görə, bu barədə Tyc Sports xəbər verib.

Messi mükafatdan imtinaya səbəb kimi "turnirdə çiçəklənən korrupsiyanın bir hissəsi olmaq istəməməsi" ilə izah edib.

"Biz bu rüşvətin bir hissəsi olmamalıyıq. Biz  bütün Amerika Kuboku boyu hörmətsizlik görmüşük. Biz daha çoxuna nail ola bilərdik, ancaq onlar  bizə finalda olmağa imkan vermədilər. Korrupsiya və hakimlər azarkeşlərə futboldan həzz almağa imkan vermədi", - deyə Messi bildirib.

Qeyd edək ki, Çili komandasına 2:1 hesabı ilə məğlub olan Argentina yığması şənbə günü öz tarixində 5-ci dəfə Amerika Kubokunun bürünc medalını qazanıb.

Oyunun 37-ci dəqiqəsində çilili Qari Medelin təşəbbüsü ilə Messi ilə münaqişə yaşanmışdı. Bundan sonra görüşün baş arbitri paraqvaylı Mario Dias de Viva epizodun hər iki iştirakçısına qırmızı kart vermək qərarına gəlmişdi.

Bu Messinin karyerası ərzində ikinci dəfə oyundan qovulması olub.