Xəbər Lenti

İnfoqrafika

Arxiv

Yazar

05 İyul

2019
10:23
3847
BƏƏ hər yerdə itirə-itirə gedir - Analiz

Birləşmiş Ərəb Əmirliklərinin (BƏƏ) Yaxın Şərqdə İsrail dəstəkli projeləri çökmək üzrədir. Liviya, Yəmən və Sudandakı hərbi müdaxilələrdə əli olan BƏƏ mövqeyində məğlubiyyətlə qarşılaşır. Fələstin məsələsində də Təl-Əvivin quyruğu rolunu oynayan Əbu-Dabi rəhbərliyi İslam ölkələri arasında olan-qalan hörmətini də itirib.
 
Liviya
 
Hərbi bazalar quran və general Xəlifə Həftərin ordusuna hərbi, iqtisadi və siyasi dəstək verən BƏƏ rəhbərliyi son iki ayda ağır strateji zərbə alıb. Marşal Həftəri Tripoli mərkəzli qanuni hökumətin üzərinə göndərən Əbu Dabi rəhbərliyi, Beynəlxalq Razılıq Hökumətinə bağlı qüvvələrin müqaviməti və müdaxiləsi sayəsində strateji Giryan şəhərini də itirib. Giryanda Həftər ordusuna ABŞ istehsallı raket və sursat verən BƏƏ rəhbərliyi təlaşa düşərək, Liviyada siyasi konsensus elan etməyə başlayıb. Marşal Həftərin baş sponsoru olan BƏƏ rəhbərliyi "Liviya Milli Ordusu"nun 55 miqrantı öldürməsi ilə qətliamın əsas ortağına çevrilib.
 
Yəmən
 
5 ildir davam edən Yəmən müharibəsində ölkənin qanuni hökuməti olan "Ənsarullah" hərəkatına qarşı vuruşan Əbu Dabi rəhbərliyi  burada da geri addım atmağa başlayıb. Qırmızı dənizə hakim Sokotro adasına hərbçilərini yerləşdirən BƏƏ Yəmən ordusu ilə üz-üzə qalıb. Strateji adada yaşayan yerli xalq BƏƏ ordusunu işğalçı qüvvə adlandırıb və həftə ərzində etiraz aksiyaları keçirib. Son olaraq Yəməndəki yerli mənbələr BƏƏ-nin bəzi hərbi qüvvələrini Mərib şəhərindəki "Serava" hərbi bazasından çıxardığını yazıb. Ötən həftə qərb mənbələri də BƏƏ-nin 3 həftə ərzində Yəmənin Ədən körfəzinin cənubu və qərbindən bəzi hərbi qüvvələrini çıxardığını iddia edib.

Sudan
 
30 illik Ömər əl-Bəşir hakimiyyətini devirən hərbi çevrilişinin arxasında duran Səudiyyə Ərəbistanı və BƏƏ ölkədəki demokratik qüvvələrin müqavimətini qıra bilmir. Çevrilişi həyata keçirən Hərbi Keçid Şurası sədrliyinə öz adamları general Əbdül-Fəttah əl-Burhanı gətirən və milyonlarla dollarlıq maddi yardım göstərən Əbu Dabi rəhbərliyi ölkədə nəzarəti təmin etməkdə çətinlik çəkir. Son olaraq general əl-Burhana ölkədəki vətəndaş müqavimətini qırmaq üçün qırğın əmri verən BƏƏ, yüzlərlə vətəndaşın ölməsinə səbəb olub. Buna baxmayaraq, Sudan müxalifəti geri addım atmayaraq Hərbi Keçid Şurasını onunla hesabaşlamağa və yeni vətəndaş hakimiyyəti qurmağa məcbur qoyub.

Fələstin

Son bir ildə İsraillə diplomatik hava körpüsü quran, israilli siyasilər və kəşfiyyatçıların regiondakı ilk dayanacağına çevrilən BƏƏ Fələstinin məhv və ilhaq layihəsi olan "Əsrin Müqaviləsi"nin əsas maliyyəçilərindəndir. ABŞ Prezidenti Donald Trampın kürəkəni və müşaviri Cared Kuşnerin rəhbərlik etdiyi layihəni Əbu Dabi birmənalı dəstəkləyir. Layihənin əsas dəstəkçisinin Səudiyyə Ərəbistanı və BƏƏ olmasına baxmayaraq başda Fələsətin olmaqla, əksər müsəlman ölkələri bu projeni dəstəkləmir və buna xəyanət kimi baxır.

FaktXeber.com

Məqalədə : BƏƏ 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ƏRBƏİN - Aşuranın 40-cı günü

18

Oktyabr
16:27
MƏNƏVİYYAT
237

Eyyyy... Növbədə nə var? - ANALİZ

18

Oktyabr
15:39
ANALİZ
275

Bakı Dövlət Sirki köçür?

18

Oktyabr
15:33
ÖLKƏ
80

Modul tipli məktəblərin sayı artırılır

18

Oktyabr
14:34
ELM / TƏHSİL
121

Hesablama Palatasına auditor təyin ediləcək

18

Oktyabr
14:30
İQTİSADİYYAT
42

Kataloniyada ümumxalq tətil başlayıb

18

Oktyabr
12:51
DÜNYA
40
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-10-2019 11:07



  (+994 55) 786-96-84

  [email protected]

Valyuta.com

Рейтинг@Mail.ru