ABŞ və İran arasında münaqişə təhlükəsi hələ bitməyib. FaktXeber.com-un MK-ya istinadla verdiyi məlumata görə, bu barədə Rusiyanın XİN rəhbərinin müavini Serqey Ryabkov bəyan edib.

Onun sözlərinə görə, vəziyyət ən son həddə balanslaşıb: "ABŞ bilərəkdən xətti kəskinləşməyə doğru çəkərək, vəziyyəti açıq münaqişə uçurumuna aparır".

Ryabkov vurğulayıb ki, Moskva Vaşinqtonu Tehrana münasibətdə tələsik addım atmaqdan çəkinməyə və İranla müharibənin nəticələrini yaxşı düşünməyə çağırıb.

Yeri gəlmişkən Tramp Omman vasitəsilə İrana mesaj göndərərək müharibə deyil, müzakirə istədiklərini deyib və bunun üçün İrana vaxt verdiyini deyib.

Xatırladaq ki, iyunun 21-nə keçən gecə ABŞ ordusuna məxsus "Global Hawk" tipli pilotsuz təyyarəsi İranın cənub sərhədinə daxil olduğu üçün Hörmüzqan vilayətində yerə salınıb. Buna qədər ABŞ Müdafiə Nazirliyi açıqlamışdı ki, kəşfiyyat məlumatlarının toplanması üçün Yaxın Şərqə təyyarələr, pilotsuz uçuş aparatları və "Patriot" raketlərini göndərəcək.

İlk əvvəl Birləşmiş Ştatlar pilotsuz uçuş aparatının vurulmasını təkzib etsə də, sonradan belə bir hadisənin baş verdiyini etiraf etmiş, lakin dronun beynəlxalq hava məkanında vurulduğunu bildirmişdi.

Bundan sonra Tramp İrana hücum əmri vermiş, lakin sonra əmri geri çəkmişdi.