ABŞ S-400-dən imtina üçün Türkiyəyə 2 həftə vaxt verdi. Birləşmiş Ştatlar Rusiya istehsalı Havadan Müdafiə Sisteminin əvəzinə özlərinin Patriotunu təklif edir. FaktXeber.com-un verdiyi məlumata görə, bu barədə CNBC kanalı öz mənbələrinə istinadla xəbər verib.

Məlumatda deyilir ki, S-400 alma istəyindən imtina esilməyəcəyi təqdirdə Türkiyə sanksiyalarla qarşılaşacaq. İddiaya görə, saziş ləğv olunmazsa Türkiyə F-35 proqramından çıxarılacaq, Ankaranın  sifariş etdiyi 100 vahid  F-35 təslim edilməyəcək, ABŞ sanksiya tətbiq edəcək və NATO sərt reaksiya verəcək.

«S-400 təslimatı başa çatarsa Türkiyənin həqiqi və mənfi  nəticələrlə qarşılaşacağını vurğulayarıq», - deyə CNBC-yə mənbədən bildirilib.

Türkiyə XİN rəhbəri Mövlud Çavuşoğlu  ötən ay  «Vaşinqtonun narahatlığını nəzərə alsalar belə, Ankaranın S-400 almaqdan imtina etmədiyini, sistemin  ilk hissələrinin iyun, ya iyul aylarında ölkəyə gətiriləcəyini bildirmişdi.