Rusiya ABŞ prezidenti Donald Trampın bütün ölkələrin nüvə silahından imtina etməsi barədə bəyanatını alqışlayır. FaktXəbər "İnterfaks"a istinadən bildirir ki, bunu Rusiya XİN rəhbərinin müavini Sergey Ryabkov deyib.
 
"Nəzərə alsaq ki, biz Amerika doktrinasında nüvə silahlarının artan rolu və onların döyüş sahəsindəki vasitələrə ötürülməsi barədə çıxış etmişdik, belə bəyanatları yalnız alqışlamaq olar",- deyə rusiyalı diplomat vurğulayıb.
 
Ryabkov əlavə edib ki, nüvə tərk-silahı sahəsində gələcək addımlara nail olmaq üçün bir sıra şərtlər formalaşdırılmalıdır.

Qeyd edək ki, Ağ Ev rəhbəri son müsahibəsi zamanı dünya ölkələrini nüvə sılahından imtina etməyə çağırmışdı.