Xəbər Lenti

İnfoqrafika

Arxiv

Yazar

25 Aprel

2019
16:24
511
Uşaqların cins nisbətinin pozulmasına görə ikinci yerdəyik

“Azərbaycanda doğulan uşaqların cins nisbətində pozulma müşahidə edilməkdədir. Azərbaycan doğulan uşaqların cins nisbətinin pozulmasına görə Çindən sonra dünyada ikinci yerdədir”.

Bunu  Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov deyib.

Onun sözlərinə görə, Azərbaycanda hər 100 qıza 114 oğlan doğulur: “Normal halda hər 100 qıza 105 oğlan doğulmalıdır. Son 10 il ərzində bu nisbət nəinki aşağı enib, əksinə artıb. Hazırda bu problemin aradan qaldırılması istiqamətində müəyyən işlər aparılır. Belə ki, “Reproduktiv sağlamlıq haqqında” qanun layihəsinə Milli Məclisdə baxılır. Qanun layihəsində qadınların və kişilərin reproduktiv sağlamlıqla bağlı hüquqları müəyyən edilib”.

Şöbə müdiri bildirib ki, cins nisbətindəki problemin aradan qaldırılması istiqamətində Əmək və Əhalinin Sosial Müdafiəsi Nazirliyi, BMT-nin Əhali Fondu və Dövlət Komitəsi tərəfindən milli fəaliyyət planının layihəsi hazırlanıb: “Layihənin hazırlanması selektiv abortların aradan qaldırılmasına hesablanıb. Azərbaycanda selektiv abortlar var, bununla mübarizə aparılmalı və selektiv abortlarla bağlı maarifləndirmə tədbirləri gücləndirilməlidir. Bundan başqa, Cinayət Məcəlləsində abortlarla bağlı məsuliyyət növləri artırılmalıdır. Bu məsələ gündəmdədir”.

E. Səfərov qeyd edib ki, Milli Uşaq Strategiyası və Uşaq Məcəlləsinin layihələri də hazırdır, həmin layihələrdə uşaq hüquqlarının müdafiəsi istiqamətində görüləcək bütün işlər əksini tapıb: “Strategiya hazırlanarkən Azərbaycanda uşaq hüquqlarının müdafiəsi istiqamətində problemli sahələr müəyyən olunub. Milli Uşaq Strategiyası 2019-2029-cu illəri əhatə edəcək”.

Məqalədə : uşaq 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan neftinin qiyməti 62 dollara yaxınlaşıb

17

Avqust
13:00
İQTİSADİYYAT
199

Sabah Bakıda 34 dərəcə isti olacaq

17

Avqust
11:09
ÖLKƏ
1079

Dünya bazarlarında neft bahalaşıb

17

Avqust
10:12
İQTİSADİYYAT
265

Turistlərə Xınalıqla bağlı xoş xəbər

16

Avqust
14:51
İQTİSADİYYAT
412
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-08-2019 06:42



  (+994 55) 786-96-84

  [email protected]

Valyuta.com

Рейтинг@Mail.ru