Xəbər Lenti

İnfoqrafika

Arxiv

Yazar

17 Aprel

2019
10:20
452
Daha bir qrup siyasi məhbus azadlığa çıxır

Hüquq müdafiəçiləri tərəfindən siyasi məhbus kimi tanınmış dörd məhkum vaxtından əvvəl şərti azadlığa buraxılmaları haqda xahişlə məhkəmələrə müraciət ediblər.

Bu barədə “Hamısını azad et!” ictimai kampaniyasının təşəbbüskarlarından biri, hüquq müdafiəçisi Rəsul Cəfərov bildirib.

Onun sözlərinə görə, ötən həftə Baş Prokurorluğa və Penitensiar Xidmətə siyasi məhbusların azad edilməsi haqqında müraciətlər göndərildikdən sonra məhbuslar özləri onların vaxtından əvvəl azad edilməsinin hüquqi mexanizmlərindən istifadə etməyə başlayıblar.

Xüsusən “Səid Dadaşbəylinin işi” üzrə üç məhbus - Dadaşbəyli özü, Cahangir Kərimov və Ceyhun Əliyev vaxtından əvvəl şərti azadlığa buraxılmaları haqqında rayon məhkəmələrinə müraciət ediblər. Dadaşbəyli və Kərimovun 13,5 illik azadlıqdan məhrumetmə cəzalarının 1 il üç ayı qalıb. Hepatit-B-dən əziyyət çəkən Əliyevin isə 14 illik həbs cəzasının 1 il 9 ayı qalıb.

Hər üçü cəzalarının 3/4-nü çəkdikləri üçün vaxtından əvvəl şərti azadlığa buraxılmalarını xahiş etmək hüququna malikdirlər.

2017-ci ilin sentyabrında üç il müddətinə azadlıqdan məhrum edilmiş “Azadlıq” qəzetinin regional müxbiri Ziya Əsədli də ərizə yazıb. O, cəzasının yarısından çoxunu çəkməsi ilə əlaqədar vaxtından əvvəl şərti azadlığa buraxılmaq hüququna malikdir.

Xahiş ərizələrinin yazılması bir sıra müzakirələr doğurub.

Əfv siyahılarının hazırlanmasında fəal iştirak edən hüquq müdafiəçisi Novella Cəfəroğlu açıqlamasında ərizə yazan məhbusların tezliklə azadlığa buraxılacağını bildirdi: “Ərizə yazmaq qəbahət deyil. Məhbus yazmır ki, məni bağışlayın. O yazır ki, məni vaxtından əvvəl buraxın. Hamısı ərizə yaza və bu ərizəyə baxılıb azad oluna bilər. Gözləmək lazımdır deyil ki, mayda kimlərsə buraxılacaq. Bizim ümidlərimiz də çoxdur. Amma bilmirik ki, bu olacaq ya yox. Nəsə demək olduqca çətindir. Məhkəmələr və ərizələr yolu ilə onlar azad oluna bilərlər. Hökumət burada güzəştə getməli və onların hamısını məhkəmələr yolu ilə azad etməlidir. Çünki onların həbs müddətlərinin başa çatmasına çox az qalıb. Təsəvvür edin ki, cəza müddətlərinin bitməsinə 3-4 ay, yaxud 1 il üç və ya dörd ay qalanlar var. O məhbusları kimsə məcbur etmir ki, ərizə yazsınlar. Ərizə yazanları da qınamaq olmaz. İndiyə qədər çox ərizə görmüşük. Hökumət güzəştlərə getməlidir. Biz belə məhbusların həbsdə qalmamaları məsələsini qaldırmışıq. Düşünürəm ki, burada anlaşılmazlıq olub. Onların hamısı əfvlə azad olunmalı idilər. Bizim siyahıda onların hamısı var idi. Avropa Şurasında bu məsələnin müzakirə edilməsinin bizim üçün elə də əhəmiyyəti yoxdur. Çünki hər şey Azərbaycanda həll olunur. Doğrudur, beynəlxalq təşkilat bizim üçün çox vacibdir, bizə köməklik edirlər. Amma istəsək də, istəməsək də məsələlər Azərbaycanda həll olunur. Bu günləri hökumət məmurlarından çox şey asılıdır. Maya qədər o məhbuslar azad olunsalar çox yaxşı olar. Hesab edirəm ki, bunu etmək olar. Bu çox vacibdir. İlin sonuna qədər deyil, ondan daha tez həmin məhbuslar azad olunacaqlar. Buna çox əminəm. Ona görə belə rahatam”. ("Yeni Müsavat")

Məqalədə : Siyasi məhbus 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"AzAlternativEnerji"nin zərəri artıb

21

May
14:55
İQTİSADİYYAT
57

Ramazan ayının salam gecəsi

21

May
14:41
RAMAZAN AYI
404

Hərracdan sonra manatın məzənnəsi dəyişməyib

21

May
14:37
İQTİSADİYYAT
1330

Sümüklərə zərər vuran gündəlik vərdişlər

21

May
14:34
AİLƏ, SAĞLAMLIQ
599

17 yaşlı oğlanda 18 sm quyruq aşkarlanıb - FOTO

21

May
14:23
AİLƏ, SAĞLAMLIQ
100

Motosiklet oğrusu tutuldu - FOTO

21

May
14:16
HÜQUQ,HADİSƏ
83

Sabahın hava proqnozu açıqlanıb

21

May
13:44
ÖLKƏ
55

"Qalatasaray" ilk transferini etdi

21

May
13:00
İDMAN
68

Babək prospektində yol çökdü - FOTO

21

May
12:51
HÜQUQ,HADİSƏ
772
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-05-2019 15:21



  (+994 55) 786-96-84

  [email protected]

Valyuta.com

Рейтинг@Mail.ru