Xəbər Lenti

İnfoqrafika

Arxiv

Yazar

28 Fevral

2019
16:34
505
Bakıdakı Avroliqanın finalına biletlər satışa çıxarılır - QİYMƏTLƏR

Bakıda keçiriləcək UEFA Avropa Liqasının finalının biletləri martın 7-dən etibarən satışa çıxarılacaq.

Martın 7-si, saat 14:00-da (Bakı vaxtı ilə saat 17:00-da) Uefa.com saytında biletlərin satışına start veriləcək.

Onlayn bilet satışı martın 21-i bizim vaxtla saat 17:00-dək davam edəcək. 64 minlik Bakı Olimpiya Stadionunun yalnız 37500 yerinə bilet neytral azarkeşlərə satılacaq.

İki finalçı komandanın azarkeşlərinə satılması üçün biletlərin sayı daha sonra təsdiqlənəcək. Bu təsdiqdən sonra qalan biletlər yerli təşkilat komitəsinə, milli assosiasiyalara, kommersial tərəfdaşlara, TV yayımçılara, həmçinin UEFA-nın Korporativ Qonaqpərvərlik Proqramına xidmət edənlərə təqdim ediləcək.

Əgər müraciətçilərin sayı 37500-dən çox olarsa, o zaman biletlərin verilməsi lotereya sistemi vasitəsilə müəyyənləşdiriləcək. 

Biletlərin qiymətləri də bəllidir. Dördüncü kateqoriya biletlər üçün məbləğ 30 avro, üçüncü kateqoriya üçün 50 avro, ikinci kateqoriya üçün 90 avro və birinci kateqoriya üçün 140 avro olacaq. 

Fiziki məhdudiyyətli tamaşaçılar üçün qiymət 30 avroyadır. Onları stadiona gətirən adam (məsələn, əlil arabasını daşıyan) üçün isə bilet pulsuz nəzərdə tutulub. 

Gənclər üçün paket təqdim olunacaq və bunun qiyməti 60 avro olacaq. Bu paketə ikinci kateqoriyalı iki bilet – bir böyük (məsələn, valideyn) və bir 14 yaşdan kiçik yeniyetmə üçün dördüncü kateqoriya güzəştində olan bilet daxildir. 400 ədəd gənclər paketi (800 bilet) ümumi ictimaiyyət üçün satışda olacaq.

Hər bir adam maksimum dörd bilet sifariş edə bilər. Biletlər şəxsiləşdiriləcək və hər bir müraciətçinin şəxsi göstəiciləri bilet portalında əks olunacaq.

Müraciətçilər aprelin 5-dən etibarən e-mail vasitəsilə müraciətlərinin nəticəsi barədə məlumatlandırılacaq.

Azərbaycandan kənardan edilən müraciətçilərin biletləri UEFA-nın rəsmi mobil bilet proqramı (tətbiq) vasitəsilə çatdırılacaq. Azərbaycanlı fanatların isə kağız bilet və ya mobil bilet seçmək imkanı olacaq.

Məqalədə : Avroliqa 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Merkel yenidən titrətdi - VİDEO

27

İyun
12:07
DÜNYA
2919

Sumqayıtda 18 yaşlı gənc itkin düşüb - FOTO

27

İyun
11:49
HÜQUQ,HADİSƏ
1509

Rusiya Tacikistanı İŞİD-dən qoruyacaq

27

İyun
11:27
DÜNYA
1331

DİM iyunun 30-da növbəti imtahanlar keçirəcək

27

İyun
11:23
ELM / TƏHSİL
41

Həftər ordusu məğlub olur

27

İyun
10:59
DÜNYA
974

Abituriyentlərə yeni imkan yaradılıb

27

İyun
10:55
ELM / TƏHSİL
1206

Yanacaq doldurmağa girmişdi, dünyasını dəyişdi

27

İyun
10:54
HÜQUQ,HADİSƏ
988
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-06-2019 12:19



  (+994 55) 786-96-84

  [email protected]

Valyuta.com

Рейтинг@Mail.ru