Xəbər Lenti

İnfoqrafika

Arxiv

Yazar

15 Fevral

2019
14:24
653
Bu prospektdə piyadaların işi asanlaşır - Keçid tikilir

Heydər Əliyev prospektində Nəqliyyatı İntellektual İdarəetmə Mərkəzinin yaxınlığında piyadalar yolu keçməkdə çətinlik çəkir. Prospektdə sürət həddinin 110 saat/kilometr olduğunu nəzərə alsaq, piyadaların bəzən həyatı bahasına yolu keçmək məcburiyyətində qaldığını deyə bilərik.

Məsələ ilə bağlı Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsinin müdiri Anar Nəcəfli bildirib ki, hazırda bu problemin həll edilmək üzrədir.

“Bakı şəhəri, Heydər Əliyev prospekti ilə Zəki Məmmədov küçəsinin kəsişməsində yeraltı piyada keçidi tikilir. Piyada keçidinin uzunluğu 57,4 p/m; eni 4, 4 metr, hündürlüyü 3,2 metrdir”.

A.Nəcəflinin sözlərinə görə, qeyd olunan piyada keçidi bağlı qazma üsulu ilə tikilir:

“Piyada keçidinin 2019-cu ilin sonlarında təhvil verilməsi nəzərdə tutulub”.

Şöbə müdiri deyib ki, hazırda daha 3 yerdə yerüstü piyada keçidi də inşa edilir:

“Yerüstü piyada keçidləri Moskva prospekti (Şamaxı yolu deyilən ərazi), Mərdəkan-Zağulba yolunda, Qala-Pirallahı yolunda inşa edilir. Ən uzun yerüstü piyada keçidi Şamaxı yolu adlanan ərazidə inşa olunacaq. Keçidin giriş-çıxışla birgə uzunluğu 227 metrdir”.

AAYDA rəsmisi qeyd edib ki, daha 6 yerdə piyada keçidlərinin tikintisi nəzərdə tutulub:

“Piyada keçidləri Ceyranbatan qəsəbəsi, Hökməli dairəsi, Bakı-Ələt yolunun 39-cu km-i, Tbilisi prospekti-Həsən Əliyev küçəsi ilə kəsişmə, Neapol küçəsi-Heydər parkının yanı və Zığ şossesində tikiləcək.

Ümumilikdə isə Bakı və Bakı ətrafı yolarda 100-ə yaxın ərazidə yeraltı və yersüstü piyada keçidlərinin tikintisi ilə bağlı təkliflər hazırlanaraq aidiyyəti üzrə təqdim olunub.

Bu təkliflər əsasında 2016-cı ildən indiyədək 25-ə yaxın yeraltı və yerüstü keçid tikilib. Son illər isə Bakı və Bakı ətrafı yollarda 39 yerüstü, 60 yeraltı keçid inşa olunub”.

Məqalədə : Piyada keçidi 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Modul tipli məktəblərin sayı artırılır

18

Oktyabr
14:34
ELM / TƏHSİL
24

Hesablama Palatasına auditor təyin ediləcək

18

Oktyabr
14:30
İQTİSADİYYAT
25

Kataloniyada ümumxalq tətil başlayıb

18

Oktyabr
12:51
DÜNYA
29

Bakı metrosunda qatarın qapıları açılmayıb

18

Oktyabr
11:49
HÜQUQ,HADİSƏ
49

Azərbaycanda yük və sərnişin daşımaları artıb

18

Oktyabr
10:00
İQTİSADİYYAT
65

Xarici valyutaların manata qarşı məzənnələri

18

Oktyabr
09:33
İQTİSADİYYAT
55
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-10-2019 15:14



  (+994 55) 786-96-84

  [email protected]

Valyuta.com

Рейтинг@Mail.ru