Xəbər Lenti

İnfoqrafika

Arxiv

Yazar

31 Yanvar

2019
15:10
192
Narkoloji Mərkəzin yanğına görə həbsdə olan direktoru: `Bina köhnə və yararsız idi`

Bu gün Bakı Ağır Cinayətlər Məhkəməsində Narkoloji Mərkəzdə baş verən yanğınla bağlı həbs edilənlər - mərkəzin direktoru Telman Məmmədhəsənov, işçisi Mahir Abdullayev, yanğını törətməkdə təqsirləndirilən Məhəmməd Məmmədov və onun həkimi - şöbə müdiri Afət Məmmədovanın cinayət işi üzrə məhkəmə iclası davam etdirilib.

Hakim Azər Paşayevin sədrliyi ilə keçirilən prosesdə T.Məmmədhəsənov sərbəst ifadə verib.

O, 2011-ci ildə yaradılan mərkəzə rəhbər təyin edildiyini söyləyib.

T.Məmmədhəsənov ona qarşı elan olunmuş ittihamlarla razılaşmadığını, heç bir xəstənin mərkəzdəki müalicəsinin qeyri-qanuni olaraq uzadılmadığını bildirib: "Cinayət işində qeyd edilib ki, guya təqsirləndirilən Məhəmməd Məmmədovun müalicəsi məcburi aparılıb, onu mərkəzdə saxlamışıq, müddəti uzatmışıq. Orada xəstənin qəbulu, onun müalicəsinə nəzarət mənim işim deyildi. Mərkəzdə təlimat var və orada hər kəsin vəzifəsi qeyd edilib. Əgər hər hansı bir xəstə qeyri-qanuni mərkəzə qəbul edilibsə, bunu edənlər cəzalandırılmalıdır. Axı mən hər gün onların yanında olmurdum. Mənə məruzə olunan, özümün bildiyim bütün problemləri həll etmişəm. Xəstələr məhkəmə qərarı ilə məcburi müalicəyə göndəriliblər. Onların müalicələri başa çatanda da könüllü olaraq çıxıb gediblər. Mənim bu işdən necə xəbərim olub ki, heç Məhəmmədin ailəsini belə tanımıram. Məhəmmədi ailəsinin məcburi mərkəzə gətirdiyi, bəzi şəxslərlə əlbir olduğu yazılıb. Mən onları tanımıramsa, necə əlbir olmaqdan söhbət gedə bilər? O zaman özümü günahkar bilərdim ki, mərkəzdə bütün ştatlar ləğv edilsin və bütün işləri mən görüm. Xəstəyə iynəni də mən vurum, müalicəni də mən aparım və sair".

Onun sözlərinə görə, yeni mərkəzin inşa edilməsi üçün özü müraciət edib: "Mərkəzə ayrılan bir iynə belə kənara gedə bilməzdi. Hər şey xəstəyə verilirdi".

T.Məmmədhəsənov deyib ki, yanğın hadisəsi bilərəkdən törədilən cinayətdir: "İttihamda da göstərilib ki, bu hadisə bir nəfər tərəfindən bilərəkdən törədilib. Belə olan halda, bilərəkdən törədilən cinayətə görə mən niyə məsuliyyət daşımalıyam? Əgər yanğın təhlükəsizliyi ilə bağlı səhlənkarlıq edilsəydi belə həmin yanğından xilas olmaq mümkün deyildi. Çünkü bina köhnə və yararsız idi. Oranın 3 çıxış qapısı olub. Mən gələndə hənin yerə baxış keçirilib, hər 3 qapıya da qıfıl vurulub və növbətçi həkimə verilib. Hər dəfə də növbə dəyişəndə açar götürülüb. Ərazidə su çənimiz də olub".

Məhkəmənin növbəti iclası fevralın 1-nə təyin edilib.

Qeyd edək ki, ötən il martın 2-də Bakı şəhərinin Xətai rayonhu ərazisində yerləşən Respublika Narkoloji Mərkəzində çoxsaylı insan tələfatı ilə nəticələnən yanğın baş verib.

Xatırladaq ki, Mərkəzin şöbə müdiri Azad Ələkbərovun səhhətində problemlər olduğundan onun cinayət işi ayrıca icraata verilib. O daha sonra dünyasını dəyişib.(Report)

Məqalədə : Narkoloji Mərkəz 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Zəvvarların ilk qrupu Vətənə dönüb - FOTO

21

Avqust
15:45
MƏNƏVİYYAT
324

Azərbaycan Çinlə birgə kombi istehsalına başladı

21

Avqust
15:31
İQTİSADİYYAT
190

Polis Balakəndə əməliyyat keçirib, saxlanılan var

21

Avqust
15:18
HÜQUQ,HADİSƏ
214

Bakıda yol qəzası - sıxlıq yarandı

21

Avqust
15:00
NƏQLİYYAT
238

Bakı bulvarında sadə çay verilmir - VİDEO

21

Avqust
14:36
ELM / TƏHSİL
290

Bakıda avtoservisdən “Niva” oğurlanıb

21

Avqust
12:28
HÜQUQ,HADİSƏ
225
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-08-2019 08:36



  (+994 55) 786-96-84

  [email protected]

Valyuta.com

Рейтинг@Mail.ru