Xəbər Lenti

İnfoqrafika

Arxiv

Yazar

24 Yanvar

2019
09:40
1062
Venesuelada 16 nəfər öldü: Maduro səfərbərlik elan etdi

Venesuela prezidenti Nikolas Maduro ölkədəki çevriliş təhlükəsi qarşısında əhalini ayıq və səfərbər olmağa çağırıb. FaktXəbər bildirir ki, bu barədə "Anadolu" agentliyi məlumat yayıb.

Paytaxt Karacasda dünən keçirilən mitinqdən sonr ABŞ ilə bütün diplomatik əlaqələri kəsdiyini və bu ölkənin diplomatlarına Venesuelanı tərk etmələri üçün 72 saat vaxt verdiyini bildirən Maduro, sosial şəbəkə vasitəsilə vətəndaşlara müraciət edib.
 
Ölkədə davam edən çevriliş təhlükəsi olduğunu daha əvvəlki çıxışlarında tez-tez təkrarlayan Venesuela prezidenti Nikolas Maduro, xalqından diqqətli olmasını istəyib: "Cəsur və döyüşçü Venesuela xalqını bir tərəfdən işlərinə və təhsillərinə davam edərkən, digər tərəfdən də vətənin sabitliyini müdafiə etmək üçün küçədə qalmağa və səfərbər olmağa çağırıram. Nə çevriliş, nə də xarici intervensionizm, Venesuela sülh istəyir".
 
Karacasta bu gün Maduroya dəstək üçün Venesuela Birləşmiş Sosialist Partiyasının (PSUV) təşkil etdiyi mitinqdə danışan Qurucu Məclis sədri Diosdado Cabello da xalqı hər axşam Prezident Sarayı Miraflores ətrafına toplaşmağa çağırmışdı.

Qeyd edək ki, Venesuelada hökumət əleyhinə aksiyalar zamanı həlak olanların sayı 16-a çatıb. Nümayişçilər Portuqesa, Barinas, Taçira, Karakas, Amasonas və Bolivar ştatlarında həlak olub.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Maduro çevriliş 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-02-2019 02:44



  (+994 55) 786-96-84

  [email protected]

Valyuta.com