ABŞ prezidenti Donald Tramp yazılı açıqlama yayaraq, Venesueladakı son vəziyyəti şərh edib.

FaktXəbər-in məlumatına görə, Tramp, açıqlamasında, "bu gün rəsmi olaraq Venesuela Milli Məclisinin sədri Xuan Quaidoyu Venesuelanın müvəqqəti dövlət başçısı kimi tanıyıram. Venesuela xalqı tərəfindən seçilən yeganə qanuni hakimiyyət vasitəsi olan Milli Məclis, Nikolas Maduro hökumətinin isə qanuni olmadığını elan etmək üçün Konstitusiyanı səfərbər etdi və beləliklə, artıq dövlət rəhbərliyi vəzifəsi boş vəziyyətdədir", - deyə bildirib.

ABŞ-ın siyasi və iqtisadi gücünü Venesuelada demokratiyanın bərpası üçün istifadəyə davam edəcəyini deyən Tramp, Qərb ölkələrinin liderlərini də Quaidonu tanımağa çağırıb.

Son dövrlər Venesuelada müxalifət və iqtidar tərəfdarları şəhərin müxtəlif yerlərində aksiya keçirirlər.

Karakcasta Milli Qvardiya İttifaqına mənsub bir qrup əsgər 2 gün əvvəl hökumətə qarşı çıxmış və yayımladıqları görüntülü mesajla xalqı üsyana çağırmışdı.

Qeyd edək ki, Venesuela Uqo Çaves dövründən ABŞ-ın hegemon siyasətini qəbul etmir. ABŞ isə daim bu ölkədə hakimiyyət çevrilişinə cəhd göstərib və qanuni hakimiyyətin devrilməsi üçün müxaifətə açıq dəstək verib. Trampın son açıqlaması da bunu açıq göstərir.