Xəbər Lenti

İnfoqrafika

Arxiv

Yazar

07 Yanvar

2019
09:52
1522
Rusiya gözəli ilə evlənən Malayziya kralı taxtdan imtina edib

Malayziyanın ali hökumətinin rəhbəri kral V Məhəmməd taxtdan imtina edib.  FaktXeber.com-un verdiyi məlumata görə, bu barədə bazar günü Saraydan yayılan bəyanatda bildirilir.

«Əla Həzrət qoyulmuş qaydalara uyğun olaraq taxtdan imtina etdiyi barədə  rəsmi məktub yazıb», - deyə məlumatda bildirilir. Həmçinin vurğulanır ki, V Məhəmməd onu kral seçən Hökumət Şurasının üzvlərinə  təşəkkür edib.

Kralın taxtdan imtina etmə səbəbi açıqlanmır.

O, 2016-cı ilin aprel ayında Hökumət Şurasının (varis sultanlar) 9 üzvünün gizli səsverməsi zamanı 5 il müddətinə seçilmişdi.

Qeyd edək ki, KİV-də onun «Miss –Moskva 2015» seçilən Oksana Voyevodina ilə ailə qurduğu barədə məlumatlar yayılıb.

Rusiya gözəlinin evlənərkən İslam dinini qəbul etdiyini və toydan sonra hicaba keçdiyi bildirilir.

Lakin xəbər rəsmi şəkildə təsdiqlənməyib. 

1957-ci ildə Konstitusion Monarxiya olan müasir Malayziyada kral mərasim funksiyalarını icra edir və Ali Baş komandandır. Qanunun qəbul edilməsi və  ya nazirin təyin olunması üçün onun  razılığı lazımdır.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Malayziya 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-02-2019 18:58



  (+994 55) 786-96-84

  [email protected]

Valyuta.com