Suriyada İŞİD terror qruplaşmasının qalıqlarının məhv edilməsi ilə yerli ölkələr, o cümlədən Türkiyə məşğul olmalıdırlar.

FaktXəbər-in məlumatına görə, bu barədə ABŞ prezidenti Donald Tramp öz "Twitter" səhifəsində yazıb:

"Suriyaya gəlincə, biz əvvəlcə orada üç ay olmağa hazırlaşırdıq və bu, 7 il bundan öncə idi, - biz ordan getmədik. Mən prezident olanda İŞİD orada vəhşilik edirdi. İndi İŞİD əsasən məğlub edilib və digər yerli ölkələr, o cümlədən Türkiyə, terror qruplaşmasının qalıqları ilə problemsiz məşğul olmaq bacarığında olmalıdırlar. Biz evə qayıdırıq!".

....going to be there for three months, and that was seven years ago - we never left. When I became President, ISIS was going wild. Now ISIS is largely defeated and other local countries, including Turkey, should be able to easily take care of whatever remains. We’re coming home!

— Donald J. Trump (@realDonaldTrump) 22 Aralık 2018

Qeyd edək ki, daha əvvəl D.Tramp Suriyada İŞİD terrorçularının məğlub edildiyini və ABŞ hərbçilərinin evə qayıdacağını bildirmişdi.

Xatırladaq ki, Tramp İŞİD terrorçularını məğlub etdiyi açıqlamasına baxmayaraq, bütün dünya İŞİD terror bəlasını Suriyanın başına məhz ABŞ və Qərb dünyasının, o cümlədən onların regiondakı havadarlarının əliylə açıldığını bilir. ABŞ və Qərb ölkələrinin isə İŞİD-in məğlub edilməsi yönündə fəaliyyətləri sıfıra bərabərdir. Çünki bu gün də İŞİD terrorçuları məhz Qərb dünyasının onlara verdiyi silahlarla döyüşür, terror həyata keçirir. İŞİD-in Suriyada məğlubiyyətə uğradılması əməliyyatlarını isə Rusiya və İran həyata keçirib.