Xəbər Lenti

İnfoqrafika

Arxiv

Yazar

13 Dekabr

2018
10:47
683
BMT Azərbaycanın həmmüəllifi olduğu qətnaməni qəbul edib

BMT Baş Assambleyasının növbəti sessiyası çərçivəsində Azərbaycanın həmmüəllifliyi ilə "Maarifləşmə və dini tolerantlıq" xüsusi qətnaməsi qəbul edilib.

"Report" Özbəkistan Xarici İşlər Nazirliyinin məlumatına istinadən xəbər verir ki, qətnamə Özbəkistan Prezidenti Şavkat Mirziyoyevin təşəbbüsü ilə irəli sürülmüşdü.

Sənəd tolerantlıq və qarşılıqlı hörmətin təsdiqlənməsinə yardım göstərməyi, dini azadlığın təmin edilməsini, dindarların hüquqlarının qorunmasını və onlara qarşı ayrı-seçkilik hallarının qarşısının alınmasını nəzərdə tutur.

Qeyd olunur ki, bir neçə ölkənin, o cümlədən Azərbaycanın həmmüəllifliyi ilə hazırlanmış və qəbul edilmiş bu sənəd BMT-nin bütün üzv dövlətləri tərəfindən yekdilliklə dəstəklənib.

Qətnamədə maariflənmənin, sülhün, insan haqlarının, dözümlülüyün və dostluğun təşviq edilməsinin mühüm rol oynadığı vurğulanır, eləcə də dünyada təhlükəsizlik və sülhün gücləndirilməsi naminə inteqrasiya, qarşılıqlı hörmət, insan hüquqlarının müdafiəsi, dözümlülk və qarşılıqlı anlaşmanın əhəmiyyəti qeyd olunur. Sənəddə dinlərarası, mədəniyyətlərarası və konfessiyalararası harmoniyanın təşviq edilməsinə, din və inanclarına görə şəxslərə qarşı ayrı-seçkilik edilməsinə mübarizəyə istiqamətlənmiş bütün beynəlxalq, regional və milli təşəbbüslər alqışlanır.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : BMT 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-02-2019 01:56



  (+994 55) 786-96-84

  [email protected]

Valyuta.com