- Aktual mövzular :
- Azərbaycan
- Rusiya
- Qarabağ
- Venesuela
Xəbər Lenti
İnfoqrafika
Arxiv
Yazar

Ekologiya və Təbii Sərvətlər Nazirliyinin (ETSN) Ekoloji marifləndirmə və ictimaiyyətlə əlaqələr şöbəsinin müdiri Umayra Tağıyevanın "Report"a müsahibəsi.
- Plastik tullantıların zərəri çoxdurmu?
- Plastik qablaşdırma tullantıları, xüsusən də polietilen torbalar ətraf mühiti çirkləndirən əsas faktorlardan biridir.
Bu günədək istehsal olunan plastik qablaşdırma məhsullarının 50%-i son 20-25 il ərzində istehsal olunub. Bu sahədə vəziyyəti mürəkkəbləşdirən amillərdən biri də plastik tullantıların təbiətdə 100 illər ərzində parçalanmadan ilbəil miqdarının artmasıdır. Araşdırmalar göstərir ki, bu tullantılar düzgün idarə olunmadığından ətraf mühiti və sututarları çirkləndirir. Eyni zamanda, kənd təsərrüfatı torpaqlarının dərin qatlarına keçərək bitkilərin normal inkişafına və bununla da məhsuldarlığın aşağı düşməsinə səbəb olur. Digər tərəfdən, bu tullantılar yanan zaman əmələ gələn toksiki tüstü atmosfer havasını zəhərləyir.
Odur ki, plastik tullantıların təbiətə neqativ təsirlərinin aradan qaldırılması ətraf mühitin sağlamlaşdırılması sahəsində prioritet hesab olunur.
- Dünyada vəziyyət necədir?
- Bəzi Avropa ölkələrində, məsələn, Hollandiya, Sloveniya, Çexiya, Slovakiya, Polşa, İsveç, Finlandiya, Latviya, Litvada ildə adambaşına 10-19 kq plastik tullantı əmələ gəlir.
Bir çox inkişaf etmiş ölkələrdə plastik qablaşdırıcılardan istifadənin azaldılması və ya qadağa olunması istiqamətində müvafiq qanunvericilik bazası yaradılıb. Müxtəlif iqtisadi mexanizmlərdən istifadə edilməklə plastik tullantıların toplanılması, təkrar emalı sisteminin təkmilləşdirilməsi işləri aparılır.
Məsələn, 1994-cü ildə Danimarkada ticarət müəssisələrində pulsuz polietilen torbaların paylanmasına vergi tətbiq olunub. Danimarkada plastik torbalar ödənişli ediləndən sonra alıcılar arasında ona təlabat 90% azalıb. İrlandiyada plastik torbaların qiyməti artdıqdan sonra bu məhsula tələbat 94% azalıb. Latviyada polietilen paketlərdən istifadəni azaltmaq üçün onlara vergi tətbiq olunur. İtaliyada 2011-ci ildən yüngül çəkili plastik torbaların istifadəsinə qadağa qoyulub. Bu plastik torba istehlakının 50% azalmasına gətirib çıxarmışdır.
Ümumiyyətlə, əksər Avropa ölkələrində plastik torbalardan istifadənin məhdulaşdırılması istiqamətində əsas tədbir kimi plastik torbaların ödənişli olması və ya ekoloji vergi tətbiqindən istifadə edilir.
Hazırda bir çox Avropa ölkələrində dəfələrlə istifadə olunan parça torbalardan və asanlıqla parcalanan qablaşdırma materiallarından istifadəyə üstünlük verilir.
- Bəs Azərbaycanda vəziyyət necədir?
- Azərbaycanda isə Dövlət Statistika Komitəsinin məlumatları əsasında aparılmış təhlilə görə adambaşına ildə 24 kq plastik tullantı əmələ gəlir. Azərbaycanda Statistika Komitəsinin və Dövlət Gömrük Komitəsinin məlumatına görə, 2009-cu ilə görə plastik torbaların ölkədə istehsalı 2 dəfəyə qədər, bu məhsulların ölkəyə idxalı isə 5 dəfəyə qədər artıb.
- Vəziyyətin yaxşılaşdırılması üçün hansı işlər görülür?
- Ekologiya və Təbii Sərvətlər Nazirliyi tərəfindən Azərbaycanda bu məsələnin həlli istiqamətində ardıcıl işlər görülür. Ölkədə ekoloji vəziyyətin yaxşılaşdırılması, plastik tullantılarının yandırılması zamanı atmosfer havasının çirkləndirilməsi nəticəsində insan sağlamlığı üçün yaranan əlavə risklərin azaldılması üçün mərhələli şəkildə plastik məhsulların istifadəsinin məhdudlaşdılılmasına yönələn fəaliyyətimiz, düşünürəm ki, əhali tərəfindən dəstəklənəcək. Ekologiya və Təbii Sərvətlər Nazirliyi gələn ildən başlayaraq ticarətdə plastik torbaların ödənişli olması ilə bağlı müvafiq işlər görür və yaxın zamanda ölkədə birdəfəlik istifadə olan 20 mikrona qədər plastik torbaların istifadəsinin qadağan olunması nəzərdə tutulur.
Düşünürük ki, bu addımlar problemin həlli istiqamətində irəliləyişin əldə olunmasına, atmosfer havasının əlavə çirklənməməsinə və insan səhəti üçün yarana biləcək fəsadların azaldılmasına gətirəcək. Hər bir insanın təmiz ətraf mühitdə yaşamaq hüququ varsa, deməli heç bir insanın da bu ətraf mühiti çirkləndirmək hüququ yoxdur.
- 16-02-2019 11:00 Çeçen nazir Əli Həsənovun açıqlamasına münasibət bildirib
- 15-02-2019 10:55 Cavid İmamoğlu: Özümüzü "avtopilot" rejiminə keçirmişik - VİDEO
- 15-02-2019 10:26 Zahid Oruc yeni vəzifəsindən ilk müraciətini etdi
- 14-02-2019 15:34 Nazir yararsız heyvanlarla bağlı məsələyə aydınlıq gətirdi
- 13-02-2019 15:37 "Sosial medianın gətirdiyi fəsadlar bizi narahat edir"
- 12-02-2019 12:47 "Məhkəmələrdə dollar kreditləri ilə bağlı 200 minə yaxın iş var"
- 12-02-2019 09:48 Azərbaycanda daha iki bank bağlanır
- 11-02-2019 15:18 Novruz bayramı ərəfəsi əfv gözlənilir - RƏSMİ
- 11-02-2019 12:50 Ailə büdcəsini necə müəyyən etməli? - VİDEO
- 08-02-2019 10:11 Səadət Bənəniyarlı: "Qobustan həbsxanasına baş çəkəcəyik"
- 06-02-2019 16:42 130-dan çox təkan olub - Baş direktor
- 06-02-2019 13:01 Azərbaycan Gürcüstan münasibətlərindəki gərginliyin səbəbi - Politoloq şərhi
- 06-02-2019 09:31 Zəlzələyə görə bir nəfərin dili tutulub
- 05-02-2019 11:59 Bəlkə bu yaxınlarda Azərbaycana gəldim - Rüstəm İbrahimbəyov
- 05-02-2019 11:14 Gənclik qəzetə "torbada ilan" kimi baxır - EKSPERT
- 04-02-2019 12:04 Azərbaycanda qızılca və "donuz qripi" epidemiyaya çevrilməyib - RƏSMİ
- 04-02-2019 10:31 Saytlara nə zaman maliyyə ayrılacaq?
- 01-02-2019 10:45 "Azərsu" "Babək"də baş vermiş qəza ilə bağlı AÇIQLAMA VERDİ
- 01-02-2019 09:59 "Babək"də yol çökməyib, magistral su kəmərində qəza olub - Anar Nəcəfli
- 31-01-2019 15:20 Səhiyyə Nazirliyi 16 nəfərin "donuz qripi"nə yoluxmasına münasibət bildirib
- 29-01-2019 16:58 Doğrudanmı dollar bahalaşacaq? – EKSPERTDƏN AÇIQLAMA
- 29-01-2019 14:20 Yeni vergi qaydaları fərdi sahibkarlar üçün problem yaradır
- 28-01-2019 15:30 Bələdiyyə sədri Rəsulzadənin barelyefi ilə bağlı AÇIQLAMA VERDİ
- 28-01-2019 10:31 "Başqa cür düşünməyimiz üçün indiyə qədər heç bir əsas verməyiblər"
- 25-01-2019 15:49 Rüşvət alan bələdiyyə sədrinə güzəşt etməməliyik