Xəbər Lenti

İnfoqrafika

Arxiv

Yazar

21 Noyabr

2018
14:10
AİP Peyğəmbərin mövludu və “Vəhdət həftəsi” münasibəti ilə Azərbaycan xalqını təbrik etdi

Azərbaycan İslam Partiyası xalqımızı və bütün dünya müsəlmanlarını əziz Peyğəmbərimiz Həzrət Muhəmməd Peyğəmbərin mövludunun ildönümü və “Vəhdət həftəsi”nin başlanması, həmçinin İmam Cəfəri Sadiqin (ə) mövludu münasibətilə təbrik edib,  birliyə və həmrəyliyə çağırış bəyanatı yayıb.  Qurumun Mətbuat Xidmətindən FaktXeber.com-a daxil olan məlumatda deyilir: 

“Rəbiuləvvəl ayının 12-si əhli-sünnə qardaşlarımıza görə Əziz İslam Peyğəmbəri Həzrət Muhəmməd (s.ə.s)-in mövludunun ildönümüdür.

Başqa rəvayətlərə görə bu tarixi gün həmin ayın 17-nə təsadüf edir və əhli-şiə qardaşlarımız bu ildönümü  həmin gün qeyd edirlər. Sanki İlahi təqdiratdan irəli gələn bu məqamı İslamın və bütün müsəlmanların maraq və mənafelərinə uyğun olaraq İmam Xomeyni bu unudulmaz tarixi günlərin fərqini “Vəhdət həftəsi” kimi dəyərləndirmiş, böyük birliyin siyasi simvolunu yaratmşdır.

Bu müqəddəs tarixi günlər və bütövlükdə “Vəhdət həftəsi”  ildönümü münasibəti ilə xalqımızı və bütün dünya müsəlmanlarını səmimi qəlbdən təbrik edirik. Uca Allahdan hər kəsə iman kamilliyi, ləyaqətli bəndəçilik məqamının nəsib olmasını diləyirik.

Əziz Peyğəmbərimiz (s.ə)-in  mövludunun ildönümü gününü anmaq, qeyd etmək toplum və ya fərd olaraq bütün müsəlmanların üzərində böyük məsuliyyət yaradır. Vəhdət carçıları olan dahi İslam alim və ustadları, bu dəyərli insani keyfiyyəti cəmiyyətlərə aşılamağı, onları bilrliyə, həmrəyliyə çağırışı özlərinə müqəddəs vəzifə hesab etmişlər. Onlar yaxşı başa düşmüşlər ki, müsəlmanlar arasında fitnə salanların cavabını yalnız İslam, müsəlman vəhdəti yaratmaqla vermək olar.

Hazırkı dünyamızda məhz müsəlman birlikləri, toplumları və bötüvlükdə xalqları arasında çaxnaşma, parçalanma yaratmaq və yaymaq  üçün fürsət axtaran və bundan özlərinin imperiya, istismar maraqlarını təmin etməkdən ötrü istifadə edən qütblər, güc sahibləri qüvvələrini səfərbər edir,  müxtəlif birliklər yaradırlar. Onlar şər qüvvələr olaraq müsəlman dövlətlərini ölümsaçan silah bazarlarına çevirir, həmin xalqlara silahlar satır, müharibə ssenariləri ixrac edirlər. Bəşəri cinayətlərdə günahlandırılan insan qatilləri  daha da irəli gedərək sülh, barışıq, vəhdət, qardaşlıq, bərabərlik dini olan müqəddəs İslam dinini terrorla eyniləşdirməyə çalışır, dinimizi cəmiyyətlərinə qorxunc bir kabus kimi təqdim edirlər. Məqsədləri insanları İslam dininə sevgi və məhəbbətdən, sonsuz rəğbətdən çəkindirməkdir. Allahın təqdiri və hikməti isə onların bu fürsətini boşa çıxarır.

Həmçinin rəbiul-əvvəl ayının 17-si Peyğəbər (s)-ın mövludu ilə yanaşı 6-cı imam İmam Sadiq (ə) -ın da mövludunun il dönümüdür. 

İnanırıq ki, şər qüvvələr Allaha inamı, Qurani Kərimə məhəbbəti, Peyğəmbər (s.ə) və onun Əhli-beytinə (ə.s) sevgisini insanların qəlbindən silə bilməyəcəklər. Bu gün müsəlman dünyası böyük və çətin imtahan qarşısındadır.  Vəhdət ümmətə həmişəkindən daha çox lazımdır. Əfqanıstana, Fələstinə, Suriyaya, İraqa, Bəhreyn və Yəmənə, bütövlükdə bütün ərəb dünyasına vəhdət zərurətdən doğan bir tələbdir. İşğalçı siniflərə və ölkələrə qalib gəlməyin, həmçinin Azərbaycan torpaqlarını İşğalçı Ermənistanın hərbi birləşmələrindən azad etməyin yeganə yolu xalqımızın və bütün müsəlman xalqlarının birliyi, həmrəyliyi və vəhdətidir.

Azərbaycan İslam Partiyası bir daha müsəlman, mömin qardaş və bacılarımızı İslam Peyğəmbəri (s.ə.s)-in və İmam Sadiq (ə)-ın mövlud tarixinin ildönümü, böyük siyasi, sosial, mənəvi dəyərə malik və bu mühüm amillərin simvolik məzmununu daşıyan “Vəhdət həftəsi”nin başlanması münasibətilə təbrik edir, bütün dünya müsəlmanlarını insanlığa acı fəryad yaşadan işğalçı və istismarçı rejimlərə, ədalətsiz, zülmkar hakimlərə qarşı birliyə, həmrəyliyə, vəhdətə çağırır.”

                                               Hacı İlham Əliyev

Azərbaycan İslam Partiyasının sədr əvəzi

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-12-2018 13:36



  (+994 55) 786-96-84

  [email protected]

Valyuta.com