Dünyada neftin qiymətini Ağ Ev rəhbəri Donald Tramp, Rusiya prezidenti Vladimir Putin və Səudiyyə Ərəbistanının vəliəhd şahzadəsi Məhəmməd ibn Salman müəyyən edir. FaktXəbər bildirir ki, bu barədə "Bloomberg" icmalçısı Culian Li yazıb.

Onun fikrincə, Neft İxrac Edən Ölkələr Birliyi (OPEK) vaxtilə malik olduğu yanacaq qiymətləri üzərində nəzarəti itirib. Təşkilat ortaq məxrəcə gələ bilməsə də, ABŞ, Rusiya və Səudiyyə Ərəbistanı OPEK-in 15 üzvündən daha çox neft çıxarır.
 
Lakin adları çəkilən hər üç nəfər ayrı-ayrı hədəflərə malikdir. Ər-Riyad ölkə büdcəsini artırmaq üçün yanacaq istehsalını azaltmaq niyyətindədir. Rusiyanı isə neftin 70 dollara qədər qiyməti tam qane edir. Birləşmiş Ştatlar isə Səudiyyə Ərəbistanına dəstək göstərməklə ər-Riyada qarşı təzyiqlərin qarşısında dayanır.