Xəbər Lenti

İnfoqrafika

Arxiv

Yazar

17 Noyabr

2018
11:26
Bu il Azərbaycanda 192,5 min yeni iş yeri açıldığı bildirilib

Bu il Azərbaycanda 192,5 min yeni, o cümlədən 94,5 min daimi iş yerləri açılıb.

Bu barədə Dövlət Statistika Komitəsi (DSK) məlumat yayıb.

Məlumata görə, regionların sosial-iqtisadi inkişafına istiqamətlənmiş üçüncü Dövlət Proqramının icrasını əhatə edən 1 yanvar 2014-cü ildən 1 oktyabr 2018-ci il tarixinə qədər olan dövr ərzində ümumilikdə 913,6 min olmaqla 624,9 min daimi iş yerləri yaradılıb. 2018-ci ilin doqquz ayı ərzində ölkədə 192,5 min yeni, o cümlədən 94,5 min daimi iş yerləri açılıb. Bu dövrdə yaradılmış iş yerlərinin 42,4 faizi qeyri-dövlət sektorunda açılıb. Yeni iş yerlərinin 24,0 faizi Bakı şəhərinin, 1,0 faizi Naxçıvan Muxtar Respublikasının, 75,0 faizi regionların, o cümlədən 44,3 faizi Aran, 7,5 faizi Lənkəran, 7,0 faizi Gəncə-Qazax, 4,4 faizi Abşeron, 4,3 faizi Yuxarı Qarabağ, 2,8 faizi Şəki-Zaqatala, 2,4 faizi Quba-Xaçmaz, 2,1 faizi Dağlıq Şirvan, 0,2 faizi isə Kəlbəcər-Laçın iqtisadi rayonlarının payına düşüb.

Daimi iş yerlərinin 8,2 faizi yeni yaradılmış müəssisə və təşkilatlarda, 33,9 faizi mövcud müəssisə və təşkilatlarda, 0,4 faizi fəaliyyətini bərpa etmiş müəssisə və təşkilatlarda, 57,5 faizi isə fərdi sahibkarlıq subyektləri tərəfindən yaradılıb.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-12-2018 20:09



  (+994 55) 786-96-84

  [email protected]

Valyuta.com