Dünyaca məşhur "Coca-Cola" şirkəti 345 milyon dollar cərimə oluna bilər. FaktXəbər bildirir ki, bu barədə "Financial Times" yazıb.
 
Şirkətə qarşı iddia ilə meksikalı iş adamı Xose Antonio del Valle çıxış edib. Onun iddiasına əsasən,  "Coca-Cola" rəhbərliyi korporativ dələduzluqla məşğul olaraq "Fanta Gaba" məhsulunu buraxıb.
 
Lakin "GABA" (aminyağ turşusu) qazlı suyunu 2012-ci ildə del Valle hazırlayıb. Bu içki əsasən Yaponiyada populyardır. Meksikalı iş adamı həmin içkinin həm öz ölksəi, həm də Niderlandda istehsalına başlayıb.
 
Dörd ildən sonra biznesmen "Coca-Cola" ilə əlaqə saxlayıb və şirkətə beynəlxalq əməkdaşlıq təklif edib. 2017-ci ildə tərəflər arasında müqavilə imzalanıb və 30 aydan sonra "Coca-Cola"nın "GABA"nın istehsalına başlayacağı razılaşdırılıb. Ancaq 6 aydan sonra şirkət "Fanta Gaba" məhsulunu dünyada tanıdıb.