Yəhudi Evi Partiyası İsrailin müdafiə naziri vəzifəsinə hazırda ölkənin təhsil naziri postunu tutan Naftali Bennetin namizədliyini irəli sürməyi planlaşdırır. FaktXəbər bildirir ki, bu barədə İsrail KİV-inə istinadən xəbər verir.

***

15:15 - İsrailin müdafiə naziri Aviqdor Liberman bildirib ki, postunu tərk edir. Bu barədə "The Jerusalem Post" yazıb.

"İsrailin müdafiə nazirinin postundan gedəcəyimi elan etmək üçün buradayam", - deyə Liberman vurğulayıb.
 
Onun sözlərinə görə, bir sıra məsələlərdə baş nazir Benyamin Netanyahu ilə fərqli fikirləri bölüşür.

***

14:18 - İsrailin müdafiə naziri Aviqdor Libermanın tutduğu postdan istefa verməsi iddia olunub. FaktXəbər bildirir ki, bu barədə "Reuters" məlumat yayıb.

Məlumat yayıldıqdan bir qədər sonra Liberman təkzib açıqlaması ilə çıxış edib.

Qeyd edək ki, İsrail və Həmas arasında baş verən son qarşıdurmalar nazirin istefasına səbəb ola bilər. Həmas təşkilatının "İzəddin Əl-Qəssam" briqadası İsrail ərazisinə 370 raket atıb. Onlardan yalnız 100 raket havada vurulub. Qalanları isə İsrail ərazisinə düşüb.