Xəbər Lenti

İnfoqrafika

Arxiv

Yazar

31 Oktyabr

2018
14:49
Azərbaycan və Qazaxıstan neft-qaz sahəsində birgə müəssisə yaradacaq

Azərbaycan və Qazaxıstan neft-qaz sənayesində birgə müəssisənin yaradılması imkanlarını nəzərdən keçirir.

Bu barədə energetika naziri Pərviz Şahbazov Astana keçirilən Azərbaycan-Qazaxıstan ticarət-iqtisadi əməkdaşlıq üzrə birgə Hökumətlərarası Komissiyasının 15-ci iclasından əvvəl bildirib.

Onun sözlərinə görə, Azərbaycan və Qazaxıstan neft-qaz sənayesinin inkişafında böyük tarixə malikdir: “Bu gün Qazaxıstan neft və qaz hasilatı sahəsində iri layihələrə malikdir və biz qarşılıqlı şərtlərlə birgə müəssisə yaradıb səylərimizi birləşdirə bilərik”.

Energetika naziri digər sahələrdə də əməkdaşlıqla bağlı planları ilə bölüşüb. P. Şahbazov qeyd edib ki, İşçi Qrupu çərçivəsində kənd təsərrüfatı sahəsində yeni kompenentlərin tətbiqi planlaşdırılır: “Biz çox yaxşı işləmişik və ticarət dövriyyəmiz əsasən Azərbaycanın Qazaxıstandan taxıl idxal etməsi hesabına artıb. Azərbaycan hər zaman kənd təsərrüfatı ölkəsi olub. Bir çox məhsullarımız var və onları Qazaxıstana ixrac edə bilərik. Biz bu sahədə əməkdaşlığımızın davam etdirilməsi ilə bağlı razılığa gəlmişik. Növbəti mərhələdə bunun hesabına ticarət dövriyyəsini bir daha artırmaq istəyirik”.

K.Bozumbayev isə bildirib ki, Azərbaycanda neft maşınqayırması inkişaf edib: “Qazaxstan ərazisində Azərbaycan kapitallı zavodların müzakirəsi dəstəklənir. Çünki, Azərbaycan bu sahədə təcrübə, bacarıqlar, texnologiyalar, gələcəkdə neft şirkətlərinə məhsulların tədarükünə imkan verəcək. İstənilən halda, bu məhsullar yataqların işlənilməsi üçün neft şirkətləri tərəfindən çox idxal edilir. Düşünürəm ki, belə məhsulların yığılmasından və sonradan neft-qaz maşınqayırması avadanlıqların istehsalından başlamaq olar”. 

K. Bozumbayev vurğualyəıb ki, həmçinin Aktau şəhərində gələcəkdə Azərbaycana ixrac edilməsi və tranzit üçün sıxılmış qaz zavodunun inşası nəzərdən keçirilir: “Bu məsələ gündəmdədir, fəal müzakirə edilir və bununla bağlı protokol imzalanacaq”. (report.az)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Azərbaycan Qazaxıstan 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-12-2018 15:20



  (+994 55) 786-96-84

  [email protected]

Valyuta.com