Xəbər Lenti

İnfoqrafika

Arxiv

Yazar

24 Oktyabr

2018
09:35
ABŞ şirkəti Azərbaycandakı fəaliyyətini dayandırıb

ABŞ-ın "Geokinetics International Inc." şirkətinin Azərbaycandakı filialı ləğv olunduğunu elan edib.

Bu barədə Vergilər Nazirliyinin “Vergilər” qəzetinin xüsusi buraxılışında qeyd edilib.

Bildirilib ki, kreditorlar iki ay ərzində tələblərini Bakı şəhəri, Səbail rayonu, Səid Rüstəmov küçəsi, ev 8, mənzil 16 ünvanına bildirə bilərlər.

Qeyd edək ki, şirkətin Azərbaycandakı filialı 2015-ci ildə qeydiyyata alınıb. Şirkət Abşeron yarımadasının ətrafındakı dayazsulu sahədə yerləşən potensial perspektiv strukturlarda 3D seysmik tədqiqat işləri aparıb.

"Geokinetics International Holdings, Inc." şirkəti seysmik məlumatların toplanması xidmətləri göstərir və neft-qaz hasilatı ilə məşğul olan şirkətləri bu məlumatlarla təmin edir. Şirkətin əsas fəaliyyət dairəsi ABŞ, Kanada, Latın Amerikası, Avropa, Afrika, Yaxın və Uzaq Şərqdir.

Şirkət 1997-ci ildə Hyustonda yaradılıb.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : ABŞ şirkəti 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-12-2018 19:55



  (+994 55) 786-96-84

  [email protected]

Valyuta.com