Xəbər Lenti

İnfoqrafika

Arxiv

Yazar

19 Oktyabr

2018
15:19
Yasamaldakı növbəti sosial evlər SATIŞA ÇIXARILACAQ

Yaxın vaxtlarda Mənzil İnşaatı Dövlət Agentliyinin (MİDA) ilk layihəsi olan Yasamal Yaşayış Kompleksində növbəti binalardakı mənzillərin satışına başlanacaq.

Bu barədə Mənzil İnşaatı Dövlət Agentliyinin (MİDA) mətbuat katibi Diana Dadaşova bildirib.

D.Dadaşova qeyd edib ki, konkret tarix bəlli olmasa da, yaxın müddətdə növbəti binalardakı mənzillərin satışı ilə bağlı elan veriləcək.

MİDA rəmisi həmçinin deyib ki, Yasamal Yaşayış Kompleksində tikilən binların hamısı hazırdır və tam təmirlidir.

Qeyd edək ki, Yasamal Yaşayış Kompleksində ümumilikdə 29 bina var. MİDA tərəfindən ilk dəfə 2018-ci ilin may ayında Yasamal Yaşayış Kompleksində sosial mənzillərin satışı təşkil edilsə də, sonradan prosedur dayandırıldı və nəticələr ləğv edilib. Növbəti dəfə sentyabr ayının 5-də Yasamal Yaşayış Kompleksinin 1, 2, 3, 4 və 5 saylı binalarında yerləşən 324 mənzil satılıb.

Nəticədə şəhid ailəsinin üzvü olan 4 nəfər, məcburi köçkün və onlara bərabər tutulan 47 nəfər, ən azı 3 il dövlət qulluğunda olanlardan 39 nəfər mənzil sahibi olub. Həmçinin, ən azı 5 il ümumtəhsil məktəblərində müəllim işləyənlərdən 28 nəfər, fəlsəfə doktoru olanlardan 3 nəfər, idman sahəsində xüsusi xidmətləri olan 5 nəfər, elmlər doktoru elmi dərəcəsi olan 7 nəfər, ən azı 15 il dövlət qulluğunda çalışan 35 nəfər, ən azı 3 il hərbi qulluqda olan 104  nəfər, ən azı 3 il daxili işlər orqanlarında xidmət edən 48 nəfər, ən azı 3 il elmi vəzifədə işləyən elmi işçilərdən 4 nəfər “sosial ev” sahibi olub.(Modern)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : MİDA 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-11-2018 15:27



  (+994 55) 786-96-84

  [email protected]

Valyuta.com