Xəbər Lenti

İnfoqrafika

Arxiv

Yazar

17 Oktyabr

2018
10:49
BVF direktoru Səudiyyə Ərəbistan səfərini təxirə saldı

Beynəlxalq Valyuta Fondunun rəhbəri Kristin Laqar Səudiyyə Ərəbistanı səfərini təxirə salıb. Qərar Türkiyədə səudiyyəli jurnalist Camal Kaşıkçının (Kaşukî) Səudiyyə konsulluğunda itkin düşməsi fonunda verilib.

FaktXeber.com-un məlumatına görə, bu barədə  BVF-nun Mətbuat Xidmətindən bildirilib.

«BVF direktorunun  Yaxın Şərq  regionuna planlı səfəri təxirə salınıb», - deyə Fondun Mətbuat Xidmətindən bildirilib.

Xatırladaq ki, Səudiyyə rejiminə müxalif yazıları ilə tanınan Camal Kaşıkçı Səudiyyə konsolluğuna girdikdən sonra ondan xəbər alınmayıb. O, diplomatik missiyaya girərkən nişanlısına «Mən girib, sənədlərimi götürüb çıxacam. Bir şey olsa dərhal Yasin Aktay (AK Parti sədrinin müşaviri) və Türk-Ərəb Media Dərnəyinə xəbər verilsin», - demişdi.

Qeyd edək ki, Camal Kaşıkçı “əl-Vətən” qəzetinin baş redaktoru və həmçinin Ərəbistanın Vaşinqtondakı sabiq səfiri Türki Feysəlin müşaviri vəzifəsində işləyib. Məhəmməd ibn Salman Səudiyyənin vəliəhdi olduqda Ərəbistanı tərk edib və َABŞ-da yaşayıb. ABŞ-da yaşadığı dövrdə Səudiyyənin siyasətlərini, xüsusi ilə də Qətər, Yəmən, Kanada qarşısındakı mövqeyini və həmçinin insan haqları aktivistləri ilə rəftarını sərt tənqid edib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Kaşıkçı 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-11-2018 14:46



  (+994 55) 786-96-84

  [email protected]

Valyuta.com