Xəbər Lenti

İnfoqrafika

Arxiv

Yazar

16 Oktyabr

2018
10:55
Yeni xəbər kanalı yayıma tam hazırdır - MTRŞ

“Azərbaycanda ixtisaslaşmış (xəbər) yeni televiziya kanalının yerüstü yayımı üçün 2,4 kilovat gücündə radioverici alınıb”.

Bu sözləri Milli Televiziya və Radio Şurasının (MTRŞ) Maliyyə və texniki nəzarət şöbəsinin müdir müavini İsa Məmmədov deyib.

MTRŞ rəsmisi qeyd edib ki, xəbər kanalı oktyabrın sonunda yayıma başlamalıdır: “Əslində, kanal yayım üçün tam hazırdır. Artıq Bakıdan veriliş gedir. Siqnal olduqdan sonra yerüstü yayıma keçmək çətin deyil. Yayımın Full HD formatında olması nəzərdə tutulub”.

İ.Məmmədov bildirib ki, telekanal ya “ARB Xəbər”, ya da “ARB 24” adı altında fəaliyyət göstərəcək: “Gedib işlərlə tanış olmuşam. Əslində, hər şey tam hazırdır və bu gün də yerüstü yayıma çıxa bilərlər. Yəqin ki, hələ özləri sınaq edirlər”.

İ.Həsənov əlavə edib ki, kanalın ümumrespublika yayımına noyabrın 12-də çıxmağı planlaşdırılır: “Tamaşaçılara tam fərqli formatda kanal təqdim edə biləcəyimizə inanırıq”.

O, həmçinin xatırladıb ki, “Türkel TV” MMC yeni ixtisaslamış televeziya kanalının yayımına hazırlıq məqsədi ilə Tovuz rayonundan Bakıya köçən müddətdə peykdə yayım müvəqqəti dayandırılmışdı, lakin indi yayım bərpa olunub.

Qeyd edək ki, MTRŞ “Türkel TV” MMC-ni (ARB 24) ümumrespublika televiziya yayım kanalının açılması üçün (Bakı şəhəri və Abşeron yarımadasında 31-ci TV yayım kanalı) 16 noyabr 2017-ci il tarixdən 16 dekabr 2017-ci il tarixədək elan edilmiş müsabiqənin qalibi elan edib və ona 31-ci TV yayım kanalında ümumrespublika televiziya yayımı üçün müddətsiz lisenziya verib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Xəbər kanalı 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-11-2018 15:07



  (+994 55) 786-96-84

  [email protected]

Valyuta.com