Xəbər Lenti

İnfoqrafika

Arxiv

Yazar

11 Oktyabr

2018
09:42
ABŞ-da `Maykl` qasırğası gücünü artırıb: 1 ölü

ABŞ-ın Florida ştatında başlayan və saatda 250 kilometr sürətlə hərəkət edən dördüncü dərəcədə sahilə çatan "Maykl" qasırğası hələ də davam edir.

FaktXəbər-in RT-yə istinadən məlumatına görə, daxilə doğru irəliləyən qasırğadan indiyə kimi ən azı bir nəfərin öldüyü bildirilir.

Şahidlər ölən şəxsin güclü külək nəticəsində aşan ağacın altında qaldığını deyiblər. 

Güclü külək və yağış ev və iş yerlərinin damlarının uçmasına, su basqınlarına və Floridada təxminən 290 min insanın elektriksiz qalmasına səbəb olub.

Üçüncü kateqoriyada Corciya ştatının cənub-qərbinə və Alabamanın cənub-şərqinə çatan qasırğaya görə hər iki ştatda fövqəladə vəziyyət elan edilib.

"Maykl" qasırğasının Floridanın son 100 ildə gördüyü ən güclü qasırğa olduğu bildirilir.

Həmçinin "Maykl"ın 1992-ci ildəki "Endryu"dan sonra ABŞ-ı vuran ən güclü qasırğa olduğu qeyd edilir.

"Maykl" qasırğası ötən bazar günü Karib dənizində tropik fırtına kimi başlayıb, bazar ertəsi günü qasırğa halını alıb. Qasırğanın ilk vurduğu Orta Amerikada Honduras, Nikaraqua və Salvadorda ümumilikdə 13 nəfər dünyasını dəyişib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : qasırğa 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-10-2018 22:31



  (+994 70) 870-47-49       (+994 55) 786-96-84

  [email protected]

Valyuta.com