Xəbər Lenti

İnfoqrafika

Arxiv

Yazar

11 Oktyabr

2018
09:23
Ağacların payızda çiçək açması sensasiya deyil - AÇIQLAMA

Son illərdə payız-qış mövsümündə müxtəlif bölgələrdə meyvə ağaclarının, digər bitkilərin çiçəkləməsi hallarına rast gəlirik. Bu anomal təbiət hadisəsi mətbuatda və sosial şəbəkələrdə yayıldıqda insanlarda böyük təəccüb yaradır.

Mütəxəssislərin fikrincə, bəzi ağaclar payız-qış fəslində artıq dərəcədə gün şüaları qəbul etdikdə çiçəkləməyə meyilli olur. Hər il bu ağaclar “yalançı çiçəklər” açır və sonra tökülür.

Mərkəzi Nəbatat Bağından bildirilib ki, ağacların soyuq mövsümlərdə çiçək açması, bar verməsi iqlim şəraitinin həmin aylarda isti keçməsi ilə əlaqədardır:

“Belə qeyri-adi hadisələr tarixən də baş verib. Ağacların qışda, payızda çiçəkləməsini sensasiya ilə cəmiyyətə təqdim etmək, təəccüblə qarşılamaq əsassızdır. İnsanlar nə zaman ağacların soyuq fəsildə çiçəklədiyinin şahidi olsalar, hava şəraitinin necə keçdiyini yada salsınlar. Məsələn, çox hallarda yaz aylarında da yarpaqların saralması, tökülməsi baş verir”-deyə qeyd olunub.

Bildirilib ki, bu aşırı təəccüblə qarşılanmır.

“Ona görə, mülayim keçən payız-qış aylarında ağacların çiçəkləməsini də böyütmək düzgün deyil. Təbiət üçün heç bir təhlükəli məqam yoxdur”. (modern.az)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Ağaclar payız 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


10-12-2018 09:13



  (+994 55) 786-96-84

  [email protected]

Valyuta.com