İran-İraq sərhədində terrorçularla sərhədçilər arasında silahlı toqquşma qeydə alınıb. FaktXəbər bildirir ki, bu barədə İranın Sərhəd Xidməti məlumat yayıb. 

Məlumata görə, İranın Kürdüstan vilayətinin Mərivan bölgəsində bir qrup silahlı terrorçu qanunsuz yollarla sərhədi keçib İslam Respublikasının ərazisinə daxil olmağa cəhd ediblər.

Nəticədə sərhədçilərlə terorrçular arasında toqquşma baş verib. Silahlı toqquşma nəticəsində 2 terrorçu yaralı olaraq ələ keçirilib, digərləri isə sərhədin dağlıq hissəsinə qaçaraq gizlənə biliblər. Atışmada bir İran sərhədçisi həyatını itirib.

Qeyd edək ki, terrorçulara məxsus silah-sursat və partlayıcı maddələr də müsadirə olunub. Faktla bağlı araşdırma aparılır.